لاہور(ایف یو نیوز)مسلم لیگ ن ٹریڈرز ونگ پنجاب کے جنرل سیکرٹری الحاج زبیر احمد نے کہاہے کہ موجودہ حالات میں میاں نواز شریف قوم کی آخری امید ہیں وہ خدمت کی سیاست پریقین رکھتے ہیں ان کا عوام سے اٹوٹ تعلق اور محبت کا ثبوت ہے کہ انہوں نے پٹرولیم مصنوعات کی قیمتوں میں ریکارڈ کمی کردی جس سے ملکی معیشت اور عام آدمی پر خوشگوار اثرات مرتب ہورہے ہیں عوام نے دھرنوں کی سیاست ،احتجاج اور جلاؤ گھیراؤکی باتیں کرنے والوں کو مسترد کر دیاہے بلدیاتی انتخابات میں واضح کامیابی نے ثابت کردیاہے کہ عوام میاں نوازشریف کے ساتھ ہیں یہی وجہ ہے کہ عمران خان کا نیا پاکستان بنا نہ میاں نوازشریف سے استعفیٰ ملا لیکن عمران خان نے احتجاجی سیاست کو فروغ ضروردیاہے ہماری ان سے اتنی سی گذارش ہے کہ اب وہ قوم کو سکون سے رہنے دیں اور احتجاجی سیاست کو مفاہمت میں بدل کرتبدیلی کااعلان کریں ۔الحاج زبیر احمد نیکہامیری میاں نوازشریف اور میاں شہباز شریف سے گذارش ہے کہ وہ بے روزگاری،غربت اور مہنگائی پر قابو پانے کیلئے نئی حکمت عملی تیار کریں تاکہ عوام کو زیادہ سے زیادہ ریلیف مل سکے۔
