پائی خیل (نامہ نگار)مسلم لیگ ن نے ملک کوترقی کی راہ پرگامزن کردیاہے بحرانوں پرجلدقابوپالیں گے ان خیالات کااظہاررکن قومی اسمبلی حاجی عبیداللہ خان شادی خیل نے یونین کونسل پائی خیل کے نومنتخب چیئرمین عنایت اللہ خان کی طرف سے اہلیان پائی خیل کودیے جانے والی اعشائیہ تقریب سے خطاب کرتے ہوئے کیاانہوں نے کہاکہ ضلعی چیئرمین کے لئے ہم جلداپنی ممبران پاورشوکرکے ثابت کردیں گے کہ میانوالی مسلم لیگ ن کاگڑھ ہے اورمیانوالی کاضلعی چیئرمین مسلم لیگ ن کاہی ہوگاانہوں میڈیاکے سوالوں کے جواب میں کہاکہ گلن خیل گرڈکو 66 کے وی سے اَپ گریڈکرکے 132 کے وی جس کاکام بھی شروع ہوچکاہے۔علاوہ ازیں میانوالی بنوں کالاباغ روڈتھری فیزکاکام جلدشروع ہوجائے گا۔اورپائی خیل میں سیوریج، پختہ سڑکیں،دادامیاں محمدورالیؒ پارک کی تعمیرو مرمت،بنیادی مرکزصحت میں ایم بی بی ایس ڈاکٹر ،شہریوں کوپینے کے صاف پانی کی فراہمی کے علاوہ دیگرترقیاتی کاموں کاجال بچھادوں گا۔اس موقع پرسابق امیدوارایم پی اے رضاء المصطفیٰ خان پائی خیل،نومنتخب چیئرمین عنایت اللہ خان،نومنتخب کونسلرزمحمدصدیق خان،ملک محمدیعقوب،عزیزالرحمان ،ملک محمدمحبوب نے انہیں اپنی حمایت کایقین دلایا۔اورمل جل کرترقیاتی کاموں کومکمل اورعلاقہ کی محرومیوں کے ازالہ کے لئے اعادہ کیا۔اس تقریب کے میزبان نومنتخب چیئرمین عنایت اللہ خان اوران کے بھائی ہدایت اللہ خان،رفیق اللہ خان عرف پپو،حاجی حمیداللہ خان عرف گل آنیوالے معززمہمانوں اورشہریوں کاپُرجوش استقبال کرتے رہے۔مرحوم وزیرحاجی اکرام اللہ خان شہیدکے بیٹے رضاء المصطفیٰ خان نے میڈیاکے نمائندوں سے گفتگوکرتے ہوئے کہاکہ میری ذاتی قیمتی اراضی 300کنال پرسٹیل مل،سیمنٹ فیکٹری یااسی طرح کاکوئی بڑاپروجیکٹ لگایاجائے گا۔کیونکہ میری یہ قیمتی اراضی اہلیان پائی خیل کے عوام کی فلاح وبہبودکے لئے وقف ہے۔ ۔اس تقریب میں سابق امیدوارایم پی اے فصیح اللہ خان پائی خیل ،اسدخان پائی خیل،ماسٹرجہان خان،غلام رسول خان،ریٹائرڈتھانیدارحبیب اللہ خان،مولوی عبدالغفارخان،ڈاکٹرظفرخان،محمدانورخان دیگرمعززین علاقہ کے کثیرتعدادلوگ موجودتھے ۔
