لاہور: مسلم لیگ ن ٹریڈرز ونگ پنجاب کے جنرل سیکرٹری الحاج زبیراحمد نے کہا ہے کہ کراچی میں امن وامان میں امن و امان حکومت کی اولین ترجیح ہے اس کے لئے بلا امتیاز اپریشن کیا جارہاہے دہشت گرد عوام کے حوصلے پست نہیں کرسکتے پاکستانی فوج بڑی جرأت وبہادری سے دہشت گردوں کا مقابلہ کررہی ہے ۔انہوں نے کہا اب وقت آگیاہے کہ دہشت گردی کے ناسور کو جڑ سے اکھاڑ پھینکا جائے اس کے لئے میاں نواز شریف نے اپنی ترجیحات کا تعین کرلیاہے عوام کے تحفظ کے لئے سیکورٹی کو یقینی بنایا جائے گا۔ الحاج زبیراحمد نے کہا دہشت گردی میں جو بھی ملوث ہوا اس کے خلاف قانون ضرور حرکت میں آئے گا اس کے لئے موجودہ حکومت انتہائی پر عزم ہے رینجر پر حملے،عبادت گاہوں میں بم دھماکے اور خودکش بمبار معاشرے کے ناسور اور اسلام کے نام پر دھبہ ہیں عوام میاں نواز شریف کا بھرپور ساتھ دیں تاکہ دہشت گردی کے خلاف یہ جنگ جیتی جا سکے انشاء اللہ آخری دہشت گرد کے خاتمہ تک اپریشن ضربِ عضب جاری رہے گا۔