لاہور: پشاور میں خون کی ہولی کھیلنے والوں کو عبرت کا نشان بنایا جائے: الحاج زبیر احمد
لاہور:دہشت گردوں نے معصوم بچوں کو نشانہ بناکر یزیدیت کی پیروی کی ہے پشاور میں خون کی ہولی کھیلنے والوں کو عبرت کا نشان بنا دیا جائے ان خیالات کااظہارمسلم لیگ ن ٹریڈرز ونگ پنجاب کے جنرل سیکرٹری الحاج زبیر احمد نے اپنے ایک بیان میں کیا۔انہوں نے کہا ہے کہ پوری قوم میاں نواز شریف کی قیادت میں دہشت گردوں کیخلاف متحد ہے سانحۂ پشاور پر پوری قوم خون کے آنسورورہی ہے یہ واقعہ انسانیت کاقتل ،ظلم اور بربریت ہے سفاک دہشت گرد اپنے انجام کو ضرور پہنچیں گے ۔معصوم بچوں کا قتلِ عام کرنے والوں کو سرعام پھانسی دی جائے ایسے سانحات سے پاکستان کی بقاء اور سا لمیت کو شدید خطرات لاحق ہوگئے ہیں۔الحاج زبیر احمد نے کہاے گناہوں کا خون بہانے والوں کیلئے دنیا اور آخرت میں دردناک عذاب ہے اس دلخراش واقعہ میں بیرونی ہاتھ کو نظراندازنہیں کیا جا سکتا۔ دہشت گردی سے پاکستانی قوم کے حوصلے پست نہیں کئے جا سکتے پوری قوم متاثرین کے غم میں برابرکے شریک ہیں اپریشن ضربِ عضب کامیاب ہوکررہے گا۔
Leave a Reply