لاہور: پاک چین دوستی ہمالیہ سے بھی بلندہے چینی صدرکا دورۂ پاکستان تاریخ سازہوگاان خیالات کااظہار مسلم لیگ ن ٹریڈرزونگ پنجاب کے جنرل سیکرٹری الحاج زبیراحمد نے تاجروں کے ایک وفدسے بات چیت کرتے ہوئے کیا۔انہوں نے کہا دھرنوں کے دوران چینی صدر کا دورہ ملتوی کرنا ایک سازش تھی جو بے نقاب ہوکررہے گی در اصل پاکستان کی ترقی کے دشمن پاکستانی قوم کا مزید امتحان لینا چاہتے ہیں لیکن پاکستان ہر امتحان میں سر خرو ہوگا اور پاک چین دوستی پہلے سے بھی مضبوط ، مستحکم اور پائیدار ہوتی چلی جائے گی۔الحاج زبیراحمد نے کہا موجودہ حکومت نے میاں نواز شریف کی قیادت میں چین کی معاونت سے بہت میگا پراجیکٹ شروع کررکھے ہیں جو مکمل ہوگئے تو ملک میں صنعتی اور معاشی انقلاب کا پیش خیمہ ثابت ہوں گے اور آنے والے دور میں دھرنا دینے والوں کا دھڑن تختہ ہو جائے گا۔