لاہور: پاکستان تحریک انصاف کی نائب صدر سنٹرل پنجاب وومن ونگ میمونہ حسین نے ایک بیان میں کہا کہ مولانا پہلے حکومت پر تنقید کرتے ہیں اور پھر مک مکا کر کے حکومت میں شامل ہو جاتے ہیں۔اور ایک مظبوط اتحادی ہونے کا ثبوت دیتے ہیں۔آپ تاریخ پڑھ کر دیکھ لیں 1988میں مولانا نے پہلے بے نظیر کی حکومت پر فتوے دئیے اور ڈیزل کے پرمٹ پر ان کے اتحادی ہو گئے۔اُس وقت سے لے کر اب تک مولانا ایم کیو ایم کی طرح ہر حکومت کا حصہ ہیں۔پہلے یہ مخالفت کرتے ہیں اور پھر بند کمرے میں مک مکا کر کے وزارتوں کے مزے لیتے ہیں۔منافقت ان کے اندر شامل ہو چکی ہے۔یہ اسلام کے نام پرسیاست کرتے ہیں۔ اب عوام ان کی باتوں میں آنے والے نہیں ہیں۔ عمران خان مک مکا کرنے والا نہیں اس لئے مولانا ہر وقت عمران خان کی مخالفت کرتے نظر آتے ہیں۔سینیٹ کے الیکشن میں پیشے کا کھیل ختم ہونے سے مولانا کو بڑا دھچکا لگا۔ اور اُنھوں نے 22ویں آیئنی ترمیم کی مخالفت شروع کر دی ہے مگر ن لیگ یہ جانتی ہے کہ مولانا سے کیسے مک مکا کرنا ہے۔ اور وہ جلد ہی مولانا سے مک مکا کر کے ان کو آمدہ کر لے گی۔
