لاہور: فوجی عدالتوں کے قیام سے دہشت گردی ختم ہونے میں مدد ملے گی تمام سیاسی جماعتوں کا اس پر اتفاق خوش آئند ہے ان خیالات کااظہارمسلم لیگ ن ٹریڈرز ونگ پنجاب کے جنرل سیکرٹری الحاج زبیر احمد نے اپنے ایک بیان میں کیا۔انہوں نے کہا ہے کہ عید میلادالنبی ﷺ کے موقعہ پر نبی رحمت کا سلامتی کا پیغام دنیا بھر میں پھیلانے کی ضرورت ہے پوری قوم میاں نواز شریف کی قیادت میں دہشت گردوں کیخلاف متحد ہے اب بے گناہوں کے خون کی ہولی کھیلنے والوں کو عبرت کا نشان بنا دیا جائے گا اور سفاک دہشت گرد اپنے انجام کو ضرور پہنچیں گے ۔۔الحاج زبیر احمد نے کہا انتہا پسند وں کو یہ جان لینا چاہیے کہ دہشت گردی سے پاکستانی قوم کے حوصلے پست نہیں کئے جا سکتے ماؤں کی گود اجاڑنے والے وحشی،جنگلی اور درندے ہیں ان کو ختم کئے بغیر ملک میں امن نہیں ہو سکتادہشت گردی کے خلاف جنگ میں پاکستان مسلسل قربانیاں دے رہا ہے دہشت گردی سے پاکستان کی بقاء اور سا لمیت کو شدید خطرات لاحق ہوگئے ہیں اس لئے موجودہ حکومت نے عزم کررکھاہے پاکستان کو امن کا گہوارا بنانے کیلئے ہرممکنہ اقدامات کئے جائیں گے۔