لاہور: میاں نواز شریف نے شمسی توانائی کے پہلے منصوبے کی بنیاد رکھ کر روشن پاکستان کی بنیاد رکھ دی ہے بہاولپور میں سولرپارک کا قیام عوام کے لئے بہت بڑی خوشخبری ہے ان خیالات کااظہارمسلم لیگ ن ٹریڈرز ونگ پنجاب کے جنرل سیکرٹری الحاج زبیر احمد نے اپنے ایک بیان میں کیا۔انہوں نے کہا ملک کو اندھیروں سے نکالنا مسلم لیگ ن کی اولین ترجیحات میں شامل ہے اس کے لئے میاں نوازشریف بڑے پر عزم ہیں کیونکہ انرجی کے بحران نے ملکی معیشت پر گہرے اثرات مرتب کئے ہیں اس لئے موجودہ حکومت نے عزم کررکھاہے کہ پاکستان میں انرجی کے بحران کے خاتمہ کے لئے ہرممکن اقدامات کئے جائیں گے تاکہ غربت،بیروزگاری اورجہالت کا سدِ باب کیا جا سکے۔الحاج زبیر احمد نے کہا ملک کوا س وقت بہت سے چیلنجزدرپیش ہیں ہماری حکومت ہر چیلنج سے نمٹنے کے لئے پوری طرح تیارہے بہترین منصوبہ بندی اور انقلابی حکمتِ عملی سے کام کیا جارہاہے چین اور دیگرممالک کی مدد سے اس وقت بہت سے میگا پراجیکٹ تکمیل کے مراحل میں ہیں عمران خان حکومت کی راہ میں روڑے اٹکارہے ہیں لیکن پھر بھی میاں نواز شریف دلجمعی سے کام کررہے ہیں انشاء اللہ اسی دور حکومت میں ملک میں خوشحالی کا دور دورہ ہوگا۔
