لاہور: سربراہ تحریک صراطِ مستقیم پاکستان ڈاکٹر محمد اشرف آصف جلالی نے کہا ہے کہ بھارت خود کو سپر پاور سمجھنے کی بجائے میانہ روی اختیار کرے تو خود بھارت اور خطے کیلئے مناسب ہو گا۔بھارت کی طرف سے ورکنگ بانڈری پر اشتعال انگیزی اور فزائی حدود کی خلاف ورزی روز مرہ کا معمول بن چکی ہے۔ ایسے حالات میں ہمارے حکمرانوں کا بھارت سے دوستی کا شوق سمجھ سے بالا تر ہے۔بھارت جس نے پا کستان کی شرافت اور امن پالیسی کو ہمیشہ کمزوری سمجھا ہے۔اب پا ک افواج کو اس کا منہ توڑ جواب دینا ہو گا۔بھارتی جارحیت اور شر انگیزی خطے کا امن تباہی کی طر ف لے جا رہی ہے۔کنٹرول لائن پر بھارتی فائر نگ سے پاکستانیوں کی شہادت پر پوری قوم افسردہ ہے ۔گوجرانوالہ میں عید میلا د النبی ﷺ کے جلوس پر شر انگیزوں کی فائرنگ اور ڈنڈوں سے حملہ انتہائی قابل مذمت ہے ۔ حکومت اور پولیس انتظامیہ کے سکیورٹی انتظامات نے حکومتی دعوؤں کی قلعی کھول دی ہے ۔وزیر اعلیٰ پنجاب میاں محمد شہباز شریف میلاد کے جلوس پر ہونے والے حملے کا فوری طور پر نوٹس لیں ۔ اہلسنت کو انتقامی سیاست اور جوابی کاروائیوں پر اکسایا جا رہا ہے۔اہلسنت نے ملک وقوم کی سلامتی اور بقاء کیلئے ہمیشہ امن و محبت اور رواداری کا دامن ہاتھ سے نہیں جانے دیا مگر ہماری امن پسندی اور حب الوطنی کا مذاق بنایا گیا ہے ۔اگر پنجاب حکومت اَمن چاہتی ہے توکالعدم مذہبی جماعتوں کو اپنی گود سے نکالنا ہوگا۔

QR Code: