لاہور: مسلم لیگ ن ٹریڈرز ونگ پنجاب کے جنرل سیکرٹری الحاج زبیر احمد نیکہاہے کہ موجودہ حالات میں میاں نواز شریف قوم کی آخری امید ہیں وہ خدمت کی سیاست پریقین رکھتے ہیں ان کا عوام سے اٹوٹ تعلق اور محبت کا ثبوت ہے کہ انہوں نے پٹرولیم مصنوعات کی قیمتوں میں ریکارڈ کمی کردی جس سے ملکی معیشت اور عام آدمی پر خوشگوار اثرات مرتب ہورہے ہیں عوام نے دھرنوں کی سیاست ،احتجاج اور جلاؤ گھیراؤکی باتیں کرنے والوں کو مسترد کرکے میاں نواز شریف کو ایک بار پھر اعتماد کاووٹ دیاہے نیا پاکستان بنا نہ میاں نوازشریف سے استعفیٰ ملا لیکن عمران خان نے شادی کرلی ہم ان کیلئے نیک تمناؤں کااظہارکرتے ہیں لیکن اب وہ قوم کو سکون سے رہنے دیں اور احتجاجی سیاست کو مفاہمت میں بدل کرتبدیلی کااعلان کریں ۔ الحاج زبیر احمد نے کہامیری میاں نوازشریف اور میاں شہباز شریف سے گذارش ہے کہ وہ بے روزگاری،غربت اور مہنگائی پر قابو پانے کیلئے نئی حکمت عملی تیار کریں تاکہ عوام کو زیادہ سے زیادہ ریلیف مل سکے اور بلدیاتی انتخابات فوری طور پر کروائے جائیں تاکہ عوامی مسائل عوام کی دہلیزپر حل ہو سکیں۔