لاہور:عمران خان احتجاجی سیاست ترک کردیں ان کے ہاتھ کچھ نہیں آنے والا جمہوریت کے تحفظ کیلئے تمام سیاسی جماعتیں میاں نواز شریف کے ساتھ ہیں، ان خیالات کااظہارمسلم لیگ ن ٹریڈرزونگ پنجاب کے جنرل سیکرٹری الحاج زبیر احمد نے تاجربرادری دھرم پورہ کے وفدسے ملاقات کے دوران کیا۔انہوں نے کہا دوبارہ گنتی میں عمران خان پھر سردار ایازصادق سے ہار گئے ہیں پھر احتجاج کیسا؟ سیاست میں ہٹ دھرمی سے کامیابی نہیں حاصل کی جا سکتی انہوں نے پہلے ہی چھ ماہ دھرنوں میں ضائع کردئیے ہیں اب تحریکِ انصاف ملک وقوم کے وسیع تر مفادمیں حکومت کو کام کرنے دیں اسی میں سب کی بہتری ہے۔ الحاج زبیر احمد نے کہاعوام نے عمران خان اور اس کے لندن پلان کو یکسر مستردکردیا ہے وہ اتنے یو ٹرن لے چکے ہیں کہ ان کی باتوں پر اب لوگ ہنستے ہیں اس لئے اب عمران خان ہٹ دھرمی اور ضد چھوڑ دیں اور اپنی اناکی جنگ میں پاکستان پررحم کھائیں اورملک وقوم کا نقصان نہ کریں۔
