لاہور: سینٹ میں مسلم لیگ ن کا ایک بڑی پارٹی بن کر ابھرنا میاں نواز شریف کی بہترین قیادت کا نتیجہ ہے ان خیالات کااظہار مسلم لیگ ن ٹریڈرز ونگ پنجاب کے جنرل سیکرٹری الحاج زبیراحمد نے تاجروں کے وفد سے ملاقات کے دوران کیا ۔انہوں نے کہاانشاء اللہ سینٹ کا چیئرمین بھی مسلم لیگ ن سے منتخب ہوگا تاکہ حکومتی پالیسیوں کا تسلسل برقراررہے اورموجودہ حکومت ملک وقوم کی ترقی و خوشحالی کیلئے اپنی ترجیحات کا نفاذ کرسکے۔ الحاج زبیراحمد نے کہا پاکستان کو درپیش چیلنجز اور مسائل کا مقابلہ کرنے کیلئے میاں نواز شریف کے ہاتھ مضبوط کئے جائیں اس کیلئے کارکن دن رات ایک کردیں کیونکہ جب تک پاکستان کی خالق جماعت کوہر لحاظ سے فعال،متحرک اور پہلے سے زیادہ منظم نہیں بنایا جاتا سیاست اور جمہوریت کا مستقبل تابناک نہیں ہو سکتاپاکستان،مسلم لیگ ن اور جمہوریت لازم وملزوم ہیں کروڑوں مسلم لیگی اپنے قائدمیاں نوازشریف کی قیادت میں وطنِ عزیزکے استحکام کیلئے پر عزم ہیں اورہرقسم کی قربانی دینے کیلئے تیار ہیں۔