لاہور(سٹاف رپورٹر) عوام نے جوش و خروش سے جشنِ آزادی مناکر ثابت کردیا کہ وہ زندہ قوم ہیں اور پاکستان میں انتہا پسندی اور دہشت گردی کی کوئی گنجائش نہیں ان خیالات کااظہارمسلم لیگ ن ٹریڈرزونگ پنجاب کے جنرل سیکرٹری الحاج زبیراحمدنے ایک تقریب سے خطاب کرتے ہوئے کیا۔انہوں نے کہامیاں نوازشریف پاکستان کو ترقی،خوشحالی اور عروج دیناچاہتے ہیں اس لئے ان کا بھرپور ساتھ دینے کا مطلب ہے ہم اپنے ملک کو مضبوط بناناچاہتے ہیں۔ الحاج زبیراحمدنے کہاجو لوگ دھرنوں اور احتجاجی سیاست کے ذریعے جمہوریت کو یرغمال بنانے کی سازش کررہے تھے وہ بری طرح ناکام ہوگئے کیونکہ لوگوں نے ان کا ساتھ نہیں دیا اب عوام نے فیصلہ دیدیاہے آنے والے ہر الیکشن میں بیلٹ بکسوں سے شیر ہی برآمدہوگاتقریب میں پاکستان کی ترقی، خوشحالی اور استحکام کیلئے خصوصی طورپر دعا مانگی گئی۔
