لاہور(ایف یو نیوز)عوام نے بلدیاتی انتخابات میں ترقی کے دشمنوں کو مستردکردیا ہے ان خیالات کااظہار شمالی لاہورکی معروف شخصیت اور مسلم لیگ ن ٹریڈرز ونگ پنجاب کے جنرل سیکرٹری الحاج زبیر احمدنے میڈیا سے بات چیت کرتے ہوئے کیا۔انہوں نے کہاقوم میاں نواز شریف کے ایجنڈے کی روشنی میں ترقی کے سفر پر گامزن ہے جبکہ موجودہ حکومت سابقہ حکمرانوں کی ناقص پالیسیوں کی وجہ سے پے در پے آنے والے بحرانوں سے نمٹ رہی ہے الحاج زبیر احمد نے کہا میاں نوازشریف کے مخالفین کا رویہ غیرجمہوری اور غیر سنجیدہ ہے الزام خان ہر وقت دھاندلی کا رونا روتے رہتے ہیں یہ کوئی اچھی بات نہیں بلدیاتی انتخابات نے ثابت کردیا ہے کہ مسلم لیگ ن کا مینڈیٹ حقیقی اور اصلی ہے اب قومی ایشو کی سیاست ہوگی اور عوامی مسائل حل کرنے کیلئے ٹھوس حکمتِ عملی وضح ہوگی۔

QR Code: