پپلاں ( محمد رضوان آکاش)چئیرمین پی ٹی آئی عمران خان اور پارٹی کی اعلی قیادت کی طرف سے ڈپٹی اپوزیشن لیڈر پنجاب سردار محمد سبطین خان کو ڈپٹی آرگنائزر پنجاب، پی ٹی آئی کے ممبر قومی اسمبلی امجد علی خان کو ضلعی آرگنائزر میانوالی اور ایم پی اے ڈا کٹر صلاح الدین خان کو ضلعی ڈپٹی آرگنائزر مقرر کرنے کا فیصلہ ایک بہترین اور اچھا فیصلہ ہے اور پارٹی قیادت نے انکی صلاحیتوں کا اعتراف کر کے ان کو یہ اہم ذمہ داری سونپی ہے اس فیصلہ سے پی ٹی آئی ضلع میانوالی میں مزید مضبوط اور فعال ہو گی اور ہم اُنکی تعیناتی کا دلی طور پر خیر مقدم کرتے ہوئے انکو مبارکباد پیش کرتے ہیں۔ ان خیالات کا اظہار معروف سیاسی رہنما ملک غلام فرید بھمب ایم ڈی ہائی رائزر کمپنی نے اپنے بیان میں کیا انہوں نے کہا کہ پی ٹی آئی کی قیادت نے ایک احسن فیصلہ کر کے کارکنوں کے دل جیت لیئے ہیں اور پارٹی میں اندروانی خلفشار اور دھڑے بندی کا تاثر اب ختم ہو گا اور پارٹی میں دراڑیں ڈالنے والوں کے مذموم عزائم ناکام ہونگے۔ انہوں نے کہا کہ ہم توقع رکھتے ہیں کہ تمام عہدیدار اب پارٹی کارکنوں کو ایک پلیٹ فارم پر متحد کرنے کے لیئے اپنی بھر پور صلاحیتوں کا مظاہرہ کریں گے اب عمران خان ہی وہ واحد قومی لیڈر اور عوام کے لیئے امید کی کرن ہیں جو ملک کو بحرانوں سے نکال کر ترقی کی راہ پر گامزن کرنے کی صلاحیت رکھتے ہیں ملک غلام فرید بھمب نے کہا کہ انشاء اللہ بلدیاتی الیکشن میں پی ٹی آئی کلین سویپ کرے گی ہم بلدیاتی الیکشن میں حصہ لینے کے لیئے تیار ہیں لیکن موجودہ پنجاب حکومت بلدیاتی الیکشن سے راہ فرار اختیار کرنے کے لیئے بہانے تراشنے میں لگی ہوئی ہے انہوں نے کہا کہ بلدیاتی الیکشن میں پنجاب حکومت چاہے جس طرح کی مرضی حلقہ بندیاں کرے انشاء اللہ کامیابی پی ٹی آئی کی ہو گی اور اب دھاندلی کے ذریعے اقتدار میں آنے والوں کے راستے میں پی ٹی آئی کے کارکن ایک آہنی دیوار ثابت ہو نگے جو اپنے قائد عمران خان کی قیادت میں ہر میدان میں مقابلہ کرنے کے لیئے تیار ہیں انہوں نے نومنتخب عہدیداروں سے توقع ظاہر کی کہ وہ اب پارٹی کو مزید مضبوط اور فعال بنانے کے لیئے تمام فیصلے میرٹ پر کریں گے اور پارٹی میں انتشار اور دھڑے بندیوں کا تاثر ختم کرنے کے لیئے اعلی ظرفی کا مظاہرہ کرتے ہوئے اپنی اعلی قیادت کے اعتماد پر پورا اتریں گے۔

QR Code: