ضلع میانوالی کے سینکڑوں سکولز بجلی، پانی، بیت الخلاء، سڑک جیسی بنیادی سہولیات سے محروم
پائی خیل (نامہ نگار)گورنمنٹ گرلزایلمنٹری سکول پائی خیل سڑک،پینے کے صاف پانی اوردیگر بنیادی سہولیات سے محروم تفصیلات کے مطابق ضلع میانوالی کے سینکڑوں سکولزجو بجلی ،پینے کے صاف پانی، بیت الخلاء،سڑک جیسی بنیادی سہولیات سے محروم ہیں ۔جوانتظامیہ کے لئے سوالیہ نشان ہیں ۔ پائی خیل جس کے تقریباًتمام سکولز بنیادی سہولیات سے محروم ہیں۔کئی سکولوں کی چاردیواری نامکمل اور گیٹ تک نہیں ۔پائی خیل میں لڑکیوں کے لئے صرف ایک گورنمنٹ گرلزایلمنٹری سکول پائی خیل ہے جوبجلی،سڑک اور پینے کے صاف پانی جیسی سہولت سے بھی محروم ہے سینکڑوں طالبات اورسٹاف کوجہاں پینے کے صاف پانی کے لئے بے پناہ مشکلات کاسامناہے وہاں رفع حاجت(بیت الخلاء) کے لئے مسائل کاسامناہے اوربجلی کی عدم موجودگی کے باعث گرمیوں میں اکثرطالبات گرمی کی شدت سے بے ہوش ہوجاتی ہیں حالیہ ہونے والے بلدیاتی انتخابات میں ناظمین،نائب ناظمین،ممبروں کی فوج ظفرموج امنڈآرہی ہے ۔لیکن پائی خیل کی بہتری کے لئے ابھی تک کسی نے آوازنہیں اٹھائی ۔عوامی وسماجی حلقوں نے وزیراعلیٰ پنجاب میاں محمدشہبازشریف،ڈی سی اومیانوالی اورارباب اختیارسے پائی خیل کے سکولوں کوبنیادی سہولیات فراہم کرنے کامطالبہ کیاہے ۔
Leave a Reply