داؤدخیل(نامہ نگار) سیلابی پانی کی نکاسی نہ ہونے سے ہزاروں ایکڑ پر کھڑی فصل ہرسال تباہ ہوجاتی ہے۔ کئی سال سے کسان ڈرین نالہ بنانے کامطالبہ کررہے ہیں۔ مسئلہ حل کیاجائے اور کسان کو خودکُشی پر مجبور نہ کیاجائے۔خادم موچھ مولوی عظمت اللہ خان کی ایس ای اری گیشن ڈائریکٹر ٹیکنیکل پی ایم او بیراجز ذوالفقارعلی سے ملاقات اور تحریری مطالبہ۔ چیف پی ایم او بیراجز امجد سعید سے بات ہونے پر ڈائریکٹر ٹیکنیکل نے معائنہ کرکے مسئلہ حل کرانے کی یقین دہانی کرادی۔مولوی عظمت اللہ خان نے موقف اپنایاکہ کچہ داؤدخیل، موچھ، کوٹ بیلیاں، بستی شاہ گل محمد والی، مواز والااور گردونواح کا ہزاروں ایکڑ رقبہ پہاڑی بارشی پانی سے ہر سال تباہ ہوجاتاہے۔ اس لیے فی الفور ڈرین کے لیے باقاعدہ نالہ بنایاجائے۔ لفٹ سکیم موچھ کی موٹریں تبدیل کرکے بڑے سائز کی موٹریں نصب کی جائیں۔ اور لفٹ سکیم پر ڈیوٹی سرانجام دینے والے ملازمین کے وعدہ کے مطابق کوارٹر بنائے جائیں۔ اس موقع پر خادم موچھ مولوی عظمت اللہ خان نے پی ایم او بیراجز کے چیف امجد سعید سے بھی ٹیلی فونک گفتگو کی۔ جس پر چیف نے اپنے ڈائریکٹر ٹیکنیکل ذوالفقارعلی کو ڈرین کا مسئلہ حل کرانے کا کہا۔ ڈائریکٹر نے سائٹ کامعائنہ کرکے مسئلے حل کرانے کی یقین دہانی کرادی۔مولوی عظمت اللہ خان نے بتایاکہ ہم کئی سالوں سے محکمہ ایری گیشن کے ذمہ داران کو مسئلہ حل کرنے کے لیے تحریری اور زبانی درخواست کرتے آئے ہیں۔ احتجاج بھی کرنا پڑتاہے مگر کسانوں کا یہ مسئلہ صرف جھوٹے وعدوں میں حل ہوتاہے۔ہر سال کروڑوں روپے کی فصل تباہ ہوجاتی ہے۔ کروڑوں روپے کے ٹھیکے منظور نظر افراد کو دینے والے یہ آفیسر ز عوام کے مفاد کے مسئلے پر حکام بالا کی راہ دکھا دیتے ہیں۔ حالانکہ یہ مسئلے کو حل کرنے کا خود بھی بہت سا اختیار رکھتے ہیں۔
