پپلاں ( محمد رضوان آکاش) ڈی پی او میانوالی سرفراز خان ورک کی طرف سے سونپے گئے ٹاسک پر ایس ایچ او پپلاں محمد افضال وڑائچ نے ڈی ایس پی پپلاں فرخ سہیل سندھو کی سربراہی میں سرچ آپریشن کے دوران بھاری مقدار میں منشیات اورشراب کے علاوہ ناجائز اسلحہ بر آمد کر کے ملزمان کو گرفتار کر کے9-سی، امتناع منشیات ایکٹ سمیت13/20/65 ضمن (۲)کے مقدمات درج کر لیئے۔ صحافیوں کے اعزاز میں گزشتہ شام دی گئی افطار پارٹی کے موقع پر تھانہ پپلاں میں تعارفی ملاقات میں ایس ایچ او محمد افضال وڑائچ نے پریس کانفرنس سے خطاب کرتے ہوئے کہا کہ سب انسپکٹر غلام قادر اے ایس آئی محمد انور خان اور اے ایس آئی ضیاء اللہ خان کے علاوہ پولیس کی بھاری نفری کے ہمراہ گزشتہ روزانہوں نے علاقہ کے مختلف مقامات پر بھر پور آپریشن کیا اوراس آپریشن محمد امین ولد محمد امیر قوم ڈیوڑا سکنہ پپلاں سے1025گرام، عمر حیات ولد محمد دین قوم تیلی ساکن چک نمبر8-ایم ایل سے1100گرام اور محمد خالد عرف ہیرو ولد محمد بشیر راجپوت ساکن8-ایم ایل سے1100گرام چرس بر آمد کرنے کے علاوہ چک نمبر17-ایم ایل سے ندیم ولد روکس مسیح سے1025کپی شراپ اور شراب تیار کرنے والی بھٹی اور دیگر سامان بر آمد کرنے سمیت انیل شہزاد ولد جوزف مسیح ساکن چک نمبر17-ایم ایل اور وسیم اکرم ولد محمد اکرم قوم جٹ ساکن پپلاں سے پسٹل تیس بور برآمد کرکے تمام ملزمان کو گرفتار کیا گیا ہے جن کے خلاف الگ الگ مقدمات درج کیئے گئے ہیں انہوں نے مزید کہا کہ منشیات فروش سود خور اور جوے کے اڈے چلانے والے معاشرہ کے ناسور ہیں اور انکے خاتمہ کے لیئے ڈی پی او میانوالی سرفراز خان ورک کی کاوشیں قابل ستائش ہیں انہوں نے کہا کہ میڈیا مملکت کا ایک طاقتور ستون اور معاشرہ کی آنکھ اور کان ہیں جو جرائم کے خاتمہ کے لیئے میرے معاون ہونگے اور میری رہنمائی کرنا آپ لوگوں کا فرض ہے اگر معاشرتی برائیوں کے خاتمہ کے لیئے آپ سب پولیس کا ساتھ دیں تو کوئی وجہ نہیں کہ علاقہ سے جرائم کا خاتمہ نہ ہو میرا وعدہ ہے کہ انشاء اللہ علاقہ سے جرائم کا مکمل خاتمہ کرونگا انہوں نے کہا کہ ضلع میانوالی کے لوگوں کی خوش قسمتی ہے کہ انہیں ڈی پی او میانوالی سرفراز خان ورک جیسا بہادر دیانت دار اور فرض شناس آفیسر ملا ہے اور جب سے انکی میانوالی میں تعیناتی ہوئی ہے معاشرہ کے ناسوروں کے خلاف گھیرا تنگ ہو چکا ہے انشاء اللہ انکی قیادت میں ضلع کو امن کا گہوارہ بنا کر دم لیں گے اور تھانہ پپلاں سے منشیات فروشوں سود خوروں جواریوں ، چوری ڈکیتی کی وارداتوں سمیت ناجائز اسلحہ ، رشوت کا خاتمہ اور مختلف مقدمات میں مطلوب اشتہاری ملزمان کی گرفتاری میری اولین ترجیع ہے اس لیئے میڈیا کے نمائندے جرائم کے خاتمہ میں اپنا اپنا کردار ادا کریں اور ہمارا ساتھ دیں۔ انہوں نے کہا کہ جرائم پیشہ افراد چاہے کتنے ہی طاقتور یا با اثر کیوں نہ ہوں اُنکے خلاف بھر پور اقدامات اٹھائے جائیں گے اور کسی بھی ایسے شخص سے کوئی رو رعایت نہیں برتی جائے گی۔ محمد افضال وڑائچ نے کہا کہ ہر شعبہ زندگی میں کچھ کالی بھیڑیں ہوتی ہیں چاہے وہ پولیس ہو یا میڈیا لیکن ایسے لوگوں کی تعداد انتہائی کم ہے انشاء اللہ میرا میڈیا سے مسلسل رابطہ رہے گا اور آپ لوگوں نے ہی ہماری رہنمائی کرنی ہے اگر میں کوئی غلط کام کروں تو آپ کا فرض ہے کہ میرا گریبان پکڑیں اور میری اصلاح کریں انشاء اللہ تھانہ کو امن کا گہوارہ بنایا جائے گا اور محرر تھانہ اور تمام تفتیشی افسران کو سختی سے میں نے ہدایت کی ہے کہ انصاف کے حصول کی خاطر تھانہ میں آنے والے لوگوں سے حسن سلوک سے پیش آئیں اور زیر تفتیش مقدمات کی تفتیش میرٹ پر کر کے انکے چالان جلد عدالتوں میں جمع کرائے جائیں اور کسی بھی کیس میں غیر ضروری تاخیر کو برداشت نہیں کیا جائے گا۔ انہوں نے مزید کہا کہ مختلف مقدمات میں نامزد ملزمان جودوران تفتیش تھانہ کی حوالات میں بند ہیں اُنکی کی ذہنی تربیت کے لیئے بھی خصوصی اقدامات کیئے ہیں اور انہیں اس بات کا پابند بنایا جائے گا کہ وہ پورا دن وضو کی حالت میں رہیں اور نماز پنجگانہ پابندی سے ادا کریں کیونکہ جب وہ اللہ اور اسکے پیارے نبی ﷺ کا ذکر کریں گے تو نہ صرف تھانہ میں برکات کا نزول ہو گا بلکہ ایسے لوگوں کے دلوں میں جرائم سے نفرت ہو گی اور وہ ایک شریف شہری بن کر اپنی زندگی سنوارنے کی کوشش کریں گے۔

QR Code: