پپلاں (نامہ نگار)پی ٹی آئی کی اعلی قیادت نے ڈپٹی اپوزیشن و ڈپٹی پارلیمانی لیڈر پنجاب سردار محمد سبطین خان کو پاکستان تحریک انصاف کی تنظیم نو ، انٹرا پارٹی الیکشن کے انعقاد اور بلدیاتی انتخابات کے لیئے پی ٹی آئی کے اُمیدواروں کو ٹکٹوں کی میرٹ پر تقسیم کے لیئے پنجاب کا ڈپٹی آرگنائزر مقرر کر کے نوٹفکیشن جاری کر دیا۔ پی ٹی آئی کی کور کمیٹی کی منظوری کے بعد پارٹی کی تنظیم نو اور انٹرا پارٹی الیکشن کے لیئے پی ٹی آئی کے چیرمین عمران خان نے ملک بھر کی تمام تنظیموں کو توڑ کر چاروں صوبوں اور ملک کے تمام اضلاع میں پارٹی کے آرگنائزر مقرر کرنے کا اعلان کیا گیا تھا اور سابق گورنر پنجاب چوہدری محمد سرور کو پی ٹی آئی صوبہ پنجاب کا آرگنائزر مقرر کرنے کے بعد گزشتہ روز پاکستان تحریک انصاف کے چئیرمین کی منظوری کے بعد میانوالی کے حلقہ پی پی46سے پی ٹی آئی کے ٹکٹ پر منتخب ہونے والے رکن صوبائی اسمبلی اور سابق وزیر معدنیات پنجاب سردار محمد سبطین خان کو صوبہ پنجاب کا ڈپٹی آرگنائزر مقرر کر دیا گیا جسکا گزشتہ روز نوٹیفکیشن بھی جاری کر دیا گیا۔ پارٹی کی طرف سے ڈپٹی آرگنائزر مقرر کرنے کی خبر کے بعد پی ٹی آئی تحصیل پپلاں کے عہدیداروں اور ورکروں کی کثیر تعداد نے سردار محمد سبطین خان کی رہائش گاہ پر ان سے ملاقات کی اور انہیں اس اہم عہدے پر مبارکباد پیش کرتے ہوئے میڈیا کے نمائندوں سے گفتگو کرتے ہوئے کہا کہ پی پی 46میانوالی سے رکن صوبائی اسمبلی منتخب ہو کر سردار محمد سبطین خان کو یہ اعزاز حاصل ہے کہ وہ پنجاب اسمبلی میں پی ٹی آئی کی طرف سے ڈپٹی پارلیمانی لیڈر اور ڈپٹی اپوزیشن لیڈر پنجاب ہونے کے ساتھ ساتھ پنجاب اسمبلی کی پبلک اکاؤنٹ کمیٹی کے بھی ممبر ہیں اور اب انہیں پارٹی کی طرف سے ڈپٹی آرگنائزر پنجاب مقرر کرنا ان پر پارٹی چئیرمین عمران خان اور پی ٹی آئی کی اعلی قیادت کا بھر پور اعتماد ہے اور ہم توقع رکھتے ہیں کہ وہ اپنے وسیع تر تجربہ کی بنیاد پر پارٹی کی تنظیم نو کرنے کے علاوہ انٹرا پارٹی الیکشن کے انعقاد اور بلدیاتی الیکشن کے لیئے اُمیدواروں کا انتخاب میرٹ پر کریں گے اس موقع پرڈپٹی اپوزیشن ، ڈپٹی پارلیمانی لیڈر و ڈپٹی آرگنائزر پنجاب و ممبر پبلک اکاؤنٹ کمیٹی پنجاب سردار محمد سبطین خان نے پارٹی ورکروں سے گفتگو کرتے ہوئے کہا کہ میرے قائد اور پارٹی کی اعلی قیادت نے مجھ پر جس اعتماد کا اظہار کیا اور مجھے پنجاب کا ڈپٹی آرگنائزر مقرر کیا وہ میرے لیئے تو اعزاز کی بات ہے لیکن اسکا تمام تر کریڈٹ پارٹی کارکنوں اور عہدیداروں کو جاتا ہے اور آپ سب لوگوں کو میں مبارکباد پیش کرتے ہوئے اپنے چئیرمین عمران خان اور پارٹی کی تمام اعلی قیادت کا مشکور ہوں میں پارٹی ورکروں کو یقین دلاتا ہوں کہ انشاء اللہ پارٹی کو پنجاب بھر میں مضبوط اور فعال بنانے کے لیئے اپنی تمام تر توانایاں صرف کرونگا اور انشاء اللہ آنے والے بلدیاتی الیکشن اور جنرل الیکشن میں پی ٹی آئی ملک کی سب سے بڑی سیاسی قوت بنے گی اور انشاء اللہ اگلا وزیر اعظم میانوالی کی غیرت مند دھرتی کا غیور اور بہادر بیٹا اور ہمارا قائد عمران خان ہی ہو گا کیونکہ پاکستان کو اب بحرانوں سے نکالنے کے لیئے عمران خان کے علاوہ کوئی قیادت میسر نہیں اور پاکستان کے عوام چھ چھ مرتبہ پی پی پی اور پی ایم ایل این کو آزما چکے ہیں اور آنے والا دور اب انشاء اللہ پی ٹی کا ہو گا۔
