پپلاں ( محمد رضوان آکاش)ڈپٹی اپوزیشن لیڈر و ڈپٹی پارلیمانی لیڈر پنجاب سردار محمد سبطین خان کی طرف سے پپلاں کی انتظامیہ کا غریب تاجروں کھوکھا مالکان اور ریڑھی بانوں کے خلاف کیئے جانے والے آپریشن پر متاثرہ دکانداروں سے اظہار ہمدردی کا اخباری بیان صرف سیاست چمکانے کے لیئے تھا اور انہوں نے غریب تاجروں کی ہمدردیاں حاصل کرنے کے لیئے تاجروں کا مسئلہ حل کروانے کے دعوے تو بہت کیئے لیکن ابھی تک ان کی بات بھی نہیں پوچھی بلا شبہ پپلاں کے غریب تاجروں کا تجاوزات آپریشن میں کافی نقصان ہوا لیکن کسی نے بھی ان کی داد رسی نہیں کروائی ان خیالات کا اظہار عوامی اتحاد پپلاں کے سربراہ مظہر محسن خان نے اپنے اخباری بیان میں کیا انہوں نے مزید کہا کہ سردار محمد سبطین خان کے انتہائی قریبی ساتھی اور معدنیات کے سرکاری ملازم ریلوے پھاٹک کے قریب واقع جن غریب دکانداروں سے ٹیکس کے نام پر ہر ماہ جگا ٹیکس وصول کرتے رہے ہیں اس پر تو انہوں نے کوئی آواز نہیں اٹھائی اگر وہ پپلاں کے غریب دکانداروں کے اتنے ہی ہمدرد اور خیر خواہ ہیں تو وہ وصول کیا گیا جگا ٹیکس بھی واپس کروائیں اور جن بے روزگار ہونے والے تاجروں کو انہوں موقع پر آ کر یقین دلایا تھا کہ وہ انتظامیہ سے مذاکرات کر کے مسئلہ کو حل کروایں گے اس مسئلہ کا اب تک حل کیوں نہیں نکلا اور وہ مذکرات کہاں گئے انہوں نے کہا کہ صرف زبانی کلامی متاثرہ دکانداروں کو طفل تسلیاں دینے والے اس دن کے بعد پپلاں سے ہی غائب ہیں اور بے روزگار ہونے والے سینکڑوں غریب تاجر اُنکی راہ تک رہے ہیں اس لیئے اب وہ عوام کو اس طرح کے سہانے سپنے دکھانے کی روایت ترک کر دیں کیونکہ اب عوام انکی کسی بات کا اعتماد نہیں کرتے۔
