سات روزہ ریفریشر کورس کامیابی کے سا تھ اپنے اختتامی مر احل میں
پپلاں( محمد رضوان آکاش) منسٹری آف فیڈرل ایجوکیشن اینڈ پروفیشنل ٹریننگ (حکومتِ پاکستان) کے زیر انتظام میانوالی میں سات روزہ ریفریشر کورس کامیابی کے سا تھ اپنے اختتامی مر احل میں داخل ہو گیا ہے جس میں ضلع بھر میں چلنے والے 103 بنیادی ایجوکیشن کمیونٹی سکولز کی خواتین اساتذہ کو ٹریننگ دی جا رہی ہے گورنمنٹ گرلز ہائی سکول سول اسٹیشن میانوالی میں منعقدہ مذکورہ ریفریشر کورس جس کا آغاز 29مئی کو کیا گیا 4جون کو اختتام پذیر ہو جائے گا ٹریننگ کے کوآرڈینیٹر اسسٹنٹ ڈائریکٹر مہر محمد سلیم جبکہ سہولت کار انجمن فروغِ تعلیم پپلاں کے صدر ظہیر ہاشمی ہیں اس کے علاوہ ریسورس پرسنز کے لئے ڈاکٹر محمد اسحاق، ثمینہ شاہین، روزینہ مغل، عبیدہ تہمین کی خدمات حاصل کی جارہی ہیں۔ یہ بات ٹریننگ کے کوآرڈینیٹر مہر سلیم نے میڈیا کے نمائندوں سے گفتگو کرتے ہوئے کہا کہ میانوالی کے مختلف علاقوں خصوصاً مرکز میانوالی، موسیٰ خیل، کندیاں، پپلاں شرقی اور پپلاں غربی سے خواتین معلمات طویل سفر کر کے اپنی روزانہ کی حاضری کو یقینی بنا کر ٹریننگ کی سرگرمیوں میں بھر پور حصہ لے رہی ہیں ٹریننگ کورس کے کامیاب انعقاد کی بنیاد پر یہ اُمید کی جا سکتی ہے کہ بیسک ایجوکیشن کمیونٹی سکولز کی اساتذہ کی قوتِ استعدا د میں اضافہ، پیشہ ورانہ صلاحیتوں میں نکھار اور سکول کے انتظامی معاملات میں بہتری آئے گی ۔
Leave a Reply