سابقہ الیکشن دورمیں کئے گئے وعدوں کوایم این اے اورایم پی اے پایہ تکمیل تک پہنچائیں
پائی خیل (نامہ نگار)سابقہ الیکشن دورمیں کئے گئے وعدوں کوایم این اے اورایم پی اے پایہ تکمیل تک پہنچائیں تفصیلات کے مطابق سماجی کارکن حفیظ اللہ خان ،محمداشرف خان،شوکت حمیدخان،عظمت اللہ خان ودیگرنے اپنے تحریری بیان میں کہاہے کہ پائی خیل کے عوام کے ساتھ سویتلی ماں کاسلوک کیاجارہاہے ۔الیکشن دورمیں ایم این اے حاجی عبیداللہ خان شادی خیل ،ایم پی اے ڈاکٹرصلاح الدین خان نے پائی خیل لفٹ اری گیشن سکیم کے پانی کوٹیل تک پہنچانے ،سڑکات کی ازسرِ نوتعمیر،پینے کے صاف پانی کی فراہمی اورکئی محلہ جات طربازخیل ،کبی خیل ،سرمت خیل میں بجلی سے محروم گھروں کوبجلی ،ٹرانسفارمرکی فراہمی کے وعدے کیے تھے ۔پائی خیل کے کسانوں کی فصلات کواجاڑنے کے لئے لفٹ اری گیشن سکیم کوپندرہ دن سے بندکردیاگیاہے ۔کسانوں کی مونگی،دھان،کپاس،چاول جیسی اہم فصلات سوکھنے لگ گئیں ہیں۔اس کے علاوہ میانوالی بنوں کالاباغ روڈکوخواجہ آبادسے لیکرکالاباغ تک ابترحالت میں چھوڑکرعیسیٰ خیل حلقے میں لے جایاگیاہے ۔خواجہ آبادتاکالاباغ روڈپربڑے بڑے گڑھے بن چکے ہیں جس سے آئے روزگاڑیاں چھکڑابن رہی ہیں اورحادثات میں اضافہ ہورہاہے۔اس لئے منتخب سیاسی نمائندے عوامی مسائل حل کرکے عوام دوست لیڈرہونے کاثبوت دیں ۔
Leave a Reply