پپلاں( محمد رضوان آکاش) تحصیل پپلاں کی انتظامیہ کی چشم پوشی اور عدم توجہی کی وجہ سے امتناع رمضان آرڈیننس کی پپلاں میں کھلم کھلا خلاف ورزی معمول بن گئی مسافروں کی آڑ میں ہوٹل اور سموسوں پکوڑوں کی دکانوں کو کھول کر صبح سویرے روزہ خوروں کو کھانے پینے کا سامان فراہم کرنے کا دھندہ عروج پر پہنچ گئے۔ انتظامیہ کے افسران ائر کنڈیشن کمروں میں بیٹھ کر آرام سکون کرنے میں مصروف، پپلاں کے شہریوں عوامی سماجی حلقوں اور روزہ داروں کا رمضان المبارک کا تقدس پا مال کرنے والوں کے خلاف کاروائی نہ ہونے پر شدید احتجاج۔ شہریوں نے صحافیوں کو بتایا کہ صبح آٹھ بجے ہی نہ صرف پپلاں کے اکثر مقامات پر ہوٹل کھلے ہوئے ہوتے ہیں بلکہ سموسے اور پکوڑے بنانے والے دکاندار کھلے عام کھانے پینے کا سامان بیچنے میں مصروف ہوتے ہیں او ر دکانوں کے سامنے سے گزرنے والے روزہ دار وں کو کھلے عام روزہ کی خلاف ورزی پر شدید اذیت کا سامنا کرنا پڑتا ہے جبکہ تحصیل پپلاں کی انتظامیہ اور پارئس کنٹرول مجسٹریٹس خواب غفلت کا شکار ہیں جو رمضان المبارک کا تقدس پا مال ہونے پر اپنی آنکھیں بند کیئے ہوئے ہیں اور ایسے لوگوں کے خلاف کوئی کاروائی نہیں ہو تی انہوں نے کمشنر سرگودھا ڈویژن اور ڈی سی او میانوالی سے مطالبہ کیا کہ ماہ رمضان میں روزہ کا تقدس پامال کرنے والوں کے خلاف سخت ترین کاروائی کی جائے اور تحصیل انتظامیہ کو اس بات کا پابند بنایا جائے کہ وہ امتناع رمضان آرڈیننس پر پوری طرح عمل کروا نے کے لیئے فوری کاروائی کرے۔
