پپلاں(محمد رضوان آکاش) انجمن تاجراں پپلاں کے منتخب صدر رانا محمد علیم نے پپلاں کی انتظامیہ سے ملی بھگت کر کے اپنی تاجر برادری کے خلاف جو گھناؤنا کردار ادا کیا اور سینکڑوں چھوٹے چھوٹے دکانداروں کو بے روز گار کیا اسکے بعد اُن کے پاس کوئی اخلاقی جواز باقی نہیں رہا کہ وہ خود کو انجمن تاجراں کا صدر کہلوائیں پپلاں کی غیور تاجر برادری کسی ایسے شخص کو اب اپنا نمائندہ تسلیم نہیں کرے گی جو انتظامیہ کا آلہ کار بن کر اپنے تاجر بھائیوں کے مفادات کا سودا کرے اس لیئے بہتر ہے کہ وہ فوری طور پر اپنے عہدے سے مستعفی ہو جائیں ورنہ اُنکے خلاف عنقریب مردہ باد کے نعرے بھی لگیں گے ، پپلاں میں انجمن تاجراں کی تاریخ میں کبھی بھی پپلاں کی تاجر برادری کے ساتھ ایسا ظلم اور زیادتی نہ تو ہوئی ہے اور نہ تاجر برادری اس طرح زلت اور رسوائی کا شکار ہوئی ہے ان خیالات کا اظہار مسلم لیگ ن کے سیکریٹری اطلاعات خواجہ عبدالجبار اور خواجہ برادی کے افراد خواجہ منظور خواجہ محمد رمضان، کالا شیخ، عزیز الرحمن، ظفر اقبال، عمران عرف مانی شیخ، محمد اشفاق، احسن فراز شیخ شبیر، شیخ کامران شیخ پرویز عرف طوطا، شیخ بشیر، شیخ عمران، شیخ عاقب، شیخ محمد آصف شیخ انیس، شیخ رفیق عرف فیقا، شیخ قربان، شیخ فیاض، شیخ عامر، شیخ ذکی، شیخ محمد نعیم نے اپنے مشترکہ اخباری بیان میں کیا انہوں نے کہا کہ ناجائز تجاوزات کے خاتمہ کے لیئے تحصیل پپلاں کی کرپٹ اور نا اہل انتظامیہ نے غریب اور مظلوم دیہاڑی دار لوگوں کے ساتھ ذلت آمیز سلوک روا رکھا اور تاجروں کا معاشی قتل کیا لیکن انجمن تاجراں پپلاں کے صدر اپنی تاجر برادری کے حقوق کا تحفظ کرنے میں بری طرح ناکام ہو گئے ہیں ہم غریب تاجروں کے ساتھ روا رکھے جانے والے ظلم زیادتی اور نا روا سلوک پر انتظامیہ اور انجمن تاجراں کے صدر کے تاجر دشمن روئے کی شدید ترین الفاظ میں مذمت کرتے ہیں۔ انہوں نے مزید کہا کہ تجاوزات آپریشن کے دوران کئی غریب دکانداروں کی دکانیں تک جل گئیں لیکن انجمن تاجراں پپلاں کے صدر تاجر بھائیوں کی مدد کی بجائے انتظامیہ کی خوشامد اور چاپلوسی میں لگے رہے اور اُن کے کان پر جوں تک نہ رینگی۔ انہوں نے متاثرہ غریب دکانداروں اور تاجر برادری کو یقین دلایا کہ وہ تاجر برادری کے حق کے لیئے ہر فورم پر آواز اٹھائیں گے اور تاجر اپنے آپ کو ہرگز تنہا نہ سمجھیں انصاف کے حصول کی خاطر جہاں تک جانا پڑے ہم انکا ساتھ دیں گے انہوں نے وزیر اعلی پنجاب میاں محمد شہباز شریف سے مطالبہ کہ وہ تحصیل پپلاں میں ہونے والی کرپشن اور لوٹ مار کا فوری نوٹس لیں اور نا اہل انتظامیہ کے خلاف فوری ایکشن لیں انہوں نے ضلعی صدر انجمن تاجراں میانوالی حاجی عطاء اللہ خان شہباز خیل سے بھی اپیل کی کہ وہ پپلاں میں تاجر برادری کے خلاف تحصیل پپلاں کی انتظامیہ کی طرف سے کی جانے والی انتقامی کاروائی کا فوری نوٹس لیں اور تاجر برادری کے حقوق اور مفادات کے خلاف کام کرنے والے انجمن تاجراں کے نا اہل صدر کو فوری طور پر عہدے سے بر طرف کریں کیونکہ وہ تاجر برادری کا اعتماد کھو چکے ہیں اور تاجروں پر ظلم زیادتی کرنے والوں کا احتساب کروائیں۔

QR Code: