ذکرمصطفیﷺسے رحمت خداوندی کانزول ہوتاہے : سید سراج الزمان شاہ
پائی خیل(نامہ نگار)جماعت اہلسنت حنفی بریلوی ضلع میانوالی کے سرپرست اعلیٰ پیرطریقت ،رہبرشریعت حضرت علامہ پیرسیدسراج الزمان شاہ آستانہ عالیہ کوٹ چاندنہ شریف نے جامع مسجدکبی خیل سٹی پائی خیل میں منعقدہ محفل میلادمصطفیﷺکے شرکاء سے خطاب کرتے ہوئے کہاکہ ذکرمصطفیﷺسے رحمت خداوندی کانزول ہوتاہے ۔خالق کائنات نے آپﷺکوتمام جہانوں کے لئے باعث رحمت بناکربھیجا۔آپﷺکاذکرایساافضل ترین ذکرہے جوخالق کائنات خوداپنے نورانی فرشتوں کے ساتھ ملکرفرماتاہے۔ آپﷺکاذکرقربِ الٰہی کے حصول کابہترین ذریعہ ہے۔آپﷺکی محبت سے دلوں میں نورپیداہوتاہے۔کثرت سے درودشریف پڑھنے سے دکھوں سے نجات ملتی ہے روحانی درجات بلندہوتے ہیں۔آج کے پُرفتن دورمیں نفرتوں،کدورتوں کے خاتمہ کے لئے ضروری ہے کہ محبت رسولﷺکے چراغ روشن کیے جائیں۔محفل پاک کاآغازتلاوت کلام پاک سے قاری آصف عنایت اللہ چشتی نے کیااوربارگاہ رسالت مآبﷺمیں ثناء خوان مصطفیؐ عبدالمجیدبھوروی نے گلہائے عقیدت پیش کیا۔محفل کے اختتام پرملتِ اسلامیہ ،ملک وقوم کی سربلندی کے لئے خصوصی دعائیں اورلنگرمیلادتقسیم کیاگیا۔
Leave a Reply