داؤدخیل(نامہ نگار)مورخہ17مارچ 2015کو کھباڑی چوکی علاقہ تھانہ واں بھچراں کے قریب بیرئیر لگاکرتین کس نامعلوم اشخاص نے بیوپاریوں1.۔محمد منصب ولد سلطان احمد بھٹی سکنہ بھاگٹانوالہ سرگودھا2۔اصغر علی ولد محمد خان سکنہ چوکی بھاگٹ سرگودھااور فیصل عمران ولد اللہ دتہ سکنہ مدینہ کالونی چنیوٹ سے رقم مبلغ105000/-روپے چھین لئے تھے ۔واں بھچراں پولیس نے اپنی حکمت عملی سے کام لیتے ہوئے ڈکیتی کے تینوں ملزمان محمد عمران ولد ظفر اللہ سکنہ واں بھچراں ،محمد عامرولد محمد یعقوب قوم اعوان سکنہ بندیال اور بدیع الزمان ولد فیض اللہ قوم پٹھان سکنہ سوانس کو بذریعہ موبائل ڈیٹا ٹریس کرکے گرفتار کیا اور ان کے قبضے سے چھینی ہوئی رقم105000/-روپے بھی بر آمد کرلی۔ڈی پی او میانوالی سرفرازخان ورک نے ڈی پی او آفس میانوالی میں بیوپاری منصب،اصغر علی اور فیصل عمران کو بلواکر چھینی ہوئی رقم ان کے حوالے کی اس موقع پر ایس ایچ او تھانہ واں بھچراں اویس گجر اور تفتیشی افسر عبدالغفور بھی موجود تھے۔رقم وصول کر نے کے بعد بیوپاری محمد منصب ،اصغر علی ،فیصل عمران نے ڈی پی او میانوالی سرفراز خان ورک کا شکریہ ادا کیا کہ ان کے حکم پرتھانہ واں بھچراں پولیس نے کاروائی کرکے ملزمان کو گرفتار کیااوکہا کہ ہم واں بھچراں پولیس کے مشکور ہیں جنہوں ملزمان کو ٹریس کرکے ہم سے چھینی گئی رقم بر آمد کر کے ہمیں واپس دلوائی۔

QR Code: