پائی خیل(حافظ صاحب سے)ذکرمصطفیﷺسے رحمت خداوندی کانزول ہوتاہے جب تک دنیاقائم ہے ذکرمصطفیﷺکے ترانے اورجشن عیدمیلادالنبیﷺکی محبت کاپرچارجاری رہے گا۔بارہ ربیع الاول کے مقدس دن کو محسن انسانیت حضرت محمدمصطفیﷺ نے دنیامیں تشریف لاتے ہی بندوں کوانسانوں کی غلامی سے چھٹکارادلایاان خیالات کااظہارمولانامفتی سلطان احمدقادری نے بارہ ربیع الاول کے موقع پرریلوے اسٹیشن پائی خیل کے سٹیج پربہت بڑے جلوس کے اجتماع سے خطاب کرتے ہوئے کیا۔حافظ کریم اللہ چشتی نے کہاکہ حضورنبی اکرمﷺکی دنیامیں آمدسے جہالت کے اندھیرے اجالوں میں بدل گئے آپﷺکی سیرت پرعمل پیراہوکرہم دنیاوآخرت میں کامیابی وکامرانی حاصل کرسکتے ہیں اوریہی حالات کاتقاضاہے اس اجتماع میں قاری آصف عنایت اللہ چشتی ،حافظ خالدرضاء بھوروی،حافظ غلام سرورنقشبندی،مولوی غلام شبیرسلطانی، محمدحنیف قادری،حافظ محمدثناء اللہ چشتی،حاجی شاہدجاویدخان ودیگرنے تلاوت،نعت رسول مقبول ﷺاورخطابات کیے۔ میلادمصطفیﷺ کاجلوس مرکزی جامع مسجدورالیاں والی سٹی پائی خیل سے صبح نوبجے شروع ہوااورمسجدداؤدخان سے ہوتاہوامحلہ سرمت خیل ،پہلوان خیل،طربازخیل، راجوخیل،فتح خان خیل سے ہوتاہوامیانوالی کالاباغ روڈاورریلوے اسٹیشن پائی خیل پرپہنچاجہاں پرتلاوت ،نعت اورخطابات ہوئے اس کے بعدجلوس وانڈھی سنارانوالی سے ہوتاہوا جامع مسجدشیرخیل المعروف شریں والی سٹی پائی خیل پہنچا۔جہاں پرایک سٹیج سجایاگیاتھا۔اورتلاوت،نعت رسو ل مقبولﷺکے بعدخطابات ہوئے۔ آخرمیں صلوٰۃ وسلام پڑھاگیااورلنگرمیلادتقسیم کیاگیا۔جلوس میں ٹرک،کوچز،کاریں ،اونٹ ریڑیاں، گھوڑاریڑیاں موٹرسائیکل، اورشرکائے جلوس پیدل سفر کرتے رہے ۔اس جلوس میں خصوصی گھوڑسواروں نے اپنے گھوڑوں پرسجاوٹ کرکے شرکت کی۔تھانہ پائی خیل پولیس کاعملہ کسی بھی ناخوشگوارحالات کوکنڑول کرنے کے لئے جلوس کے ساتھ ساتھ رہے جلوس میں شرکاء نعرے ،آقاﷺکی ذات پردرودوسلام اورنعتیں پڑھتے رہے ۔میلادمصطفیﷺکے جلوس کی کوریج کے لئے صحافی احمدنوازخان نیازی نے اپنی میڈیاٹیم کے ساتھ بھرپورشرکت کی۔جلوس کے اختتام پرملت اسلامیہ ،عالم اسلام ،ملک وقوم کی سلامتی کے لئے خصوصی دعائیں کی گئیں۔

QR Code: