حافظ محمد مظہر قیومؒ المعروف با با جی سرکار کے سالانہ عرس مبارک کی تقریبات کا آغاز
پپلاں ( محمد رضوان آکاش) پپلاں کی معروف روحانی شخصیت پیر طریقت رہبر شریعت حضرت حافظ محمد مظہر قیومؒ المعروف با با جی سرکار کے سالانہ عرس مبارک کی تقریبات کا آغاز کل بروز اتوار بعد از نماز ظہر دربار عالیہ پپلاں شریف میں ہو گا فول پروف سیکورٹی سمیت عرس مبارک کی تقریبات کی تمام تیاریاں مکمل ۔ اس موقع پر پیران کرام مشائخ عظام اہم دینی و روحانی شخصیات کے علاوہ با با جی سرکار کے مریدین عقیدت مندوں کی کثیر تعداد شرکت کرے گی۔ عرس مبارک کے موقع پر ختم قرآن پاک، درود شریف اور محفل نعت کے علاوہ ملک بھر کے معروف علمائے کرام کے خطابات کے علاوہ سجادہ نشین دربار عالیہ پپلاں شریف صاحبزادہ پروفیسر محمد احسن مظہری اور صاحبزادہ محمد اشرف مظہری سمیت معروف دینی و روحانی شخصیات مزار شریف پر پھولوں کی چادر چڑھائیں گی اور دربار شریف پر اجتماعی افطاری بھی ہو گی رات بھر جاری رہنے والی اس روحانی تقریب کا اختتام اجتماعی سحری کے بعد نماز فجر کے بعد اجتماعی دعا پر ہو گا۔ عرس مبارک کی تقریبات میں شرکت کے لیئے ملک بھر سے مریدین اور عقیدت مندوں سمیت اہم دینی اور مذہبی شخصیات کا دربار شریف پر آمد کا سلسلہ شروع ہو گیا ہے۔
Leave a Reply