جناح ہسپتال سے نومولود بچی کو اغواءکرنے والی خاتون کو لے جانے والا رکشہ ڈرائیور گرفتار ہو گیا
لاہور: جناح ہسپتال میں حفاظتی ٹیکا لگوانے کے بہانے بچی کے اغوا کے مقدمہ میں اہم پیش رفت ہوئی ہے،پولیس نے اغواکار خاتون کو ہسپتال سے لے جانے والے رکشہ ڈارئیور کو گرفتار کر لیا ہے۔
تفصیلات کے مطابق پولیس کی جانب سے حراست میں لیے گئے رکشہ ڈرائیور نے انکشاف کیا ہے کہ نقاب پوش خاتون بچی کو لے کر اسکے رکشے میں بیٹھی تھی جسے اس نے ہربنس پورہ کی ایک گلی میں اتارا تھا رکشہ ڈرائیور کی نشاندہی کے بعد پولیس نے ہربنس پورہ کے علاقے میں اغوا کار اور بچی کی تلاش کے لیے سرچ آپریشن شروع کر دیا ہے، پولیس کے مطابق بچی کی تلاش جاری ہے امید ہے جلد بچی کو بازیاب کر لیا جائے گا ۔
Short URL: http://tinyurl.com/yaj65sf8
QR Code: 
Leave a Reply