لاہور(ایف یو نیوز) بلدیاتی انتخابات نے مسلم لیگ ن کی مقبولیت پر مہر ثبت کردی اب جمہوریت کے خلاف کوئی سازش کامیاب نہیں سکتی ان خیالات کااظہار مسلم لیگ ن ٹریڈرزونگ پنجاب کے جنرل سیکرٹری الحاج زبیر احمدنے شمالی لاہور کے تاجروں کے ایک وفدسے بات چیت کرتے ہوئے کیا۔انہوں نے کہامیاں نواز شریف کو درجنوں مسائل ورثے میں ملے ہیں جن کو بتدریج حل کرنے کی کوشش کی جارہی ہے حکومت اپنی آئینی مدت پوری کریگی جو لوگ اپنے مخصوص مفادات کیلئے ملک میں سیاسی افراتفری پیدا کرناچاہتے ہیں وہ غلطی پرہیں۔الحاج زبیر احمدنے میاں نواز شریف اور میاں شہباز شریف ملک وقوم کو درپیش تمام چیلنجزکا مردانہ وار مقابلہ کررہے ہیں مخالفین کے پاس عوام کی خوشحالی کا کوئی ایجنڈا نہیں ہے تحریکِ انصاف نے ہر وقت دھاندلی کا رونا رونا وطیرہ بنا لیاہے انہیں خداکا خوف کھانا چاہیے ملک کسی بحران کا متحمل نہیں ہو سکتا۔
