جاندارسکرپٹ دیکھتے ہوئے فلم سائن کی، امید ہے فلم بین اسے پسند کرینگے، ڈاکٹربی اے خرم

لاہور(یوا ین پی) نامورجرنلسٹ و کالمسٹ ڈاکٹر بی اے خرم نوجوان ہدایتکار خرم شہزادکی نئی زیرتکمیل پنجابی فلم ’’عشق مذاق نئیں‘‘ میں اداکاری کے جوہر دکھائیں گے۔گزشتہ ماہ کراچی میں فلم کی شوٹنگ کاآغاز کردیاگیاہے جس میں معروف فلم سٹار خواجہ سلیم ،اکرام آرائیں،ایم پروان،خرم شہزاد اور دیگرفنکاروں نے چندمناظرعکسبند کرادئیے ہیں۔فلم میں زیادہ تر نئی کاسٹ کو شامل کیاجارہا ہے ڈاکٹربی اے خرم فلم کے منفردکردارمیں جلوہ گرہونگے۔انہوں نے بتایاکہ جاندارسکرپٹ دیکھتے ہوئے میں نے فلم سائن کی ہے۔میں پرامیدہوں کہ فلم بین میری اداکاری کوپسندکریں گے۔ فلم ’’عشق مذاق نئیں‘‘ میں میرا رول ایک بزنس مین کا ہے جو اپنے کاروبار کو اپنی اولاد سے زیادہ اہمیت دیتا ہے۔