لاہور (ایف یو نیوز)تاجر برادری کی فلاح و بہبود کیلئے حکومت ٹھوس اقدامات کررہی ہے ہم بھی مسائل کے حل کیلئے ہر وقت حاضر ہیں ان خیالات کا اظہار مسلم لیگ ن ٹریڈرزونگ پنجاب کے جنرل سیکرٹری الحاج زبیراحمد نے تاجروں کے ایک اجلاس سے خطاب کرتے ہوئے کیا،انہوں نے کہا بجلی کے بغیر ملک ترقی نہیں کرسکتا اس لئے میاں نوازشریف سب سے زیادہ توجہ بھی بجلی کے بحران کے حل کی طرف دے رہے ہیں، بیروزگاری ،دہشت گردی ،لوڈشیڈنگ، مہنگائی اور ملکی حالات کے باعث تاجر طبقہ سب سے زیادہ متاثرہوا ہے اسلئے ٹریڈ،زراعت اورانڈسٹری کی طرف خصوصی توجہ دی جارہی ہے تاکہ بہترین حکمتِ عملی سے ملکی معیشت میں دباؤ کا مقابلہ کرنے کی صلاحیت پیدا ہو سکے۔الحاج زبیراحمد نے کہا ہم سب کو حکومتی مشکلات کا احساس کرنا چاہیے حکومت کو معلوم ہے کہ جب تک مسائل کو حقیقی انداز سے حل کرنے کیلئے ٹھوس منصوبہ بندی نہیں کی جاتی عوام کو ریلیف نہیں ملے گا اس لئے دیرپا پالیسیاں تیارکی جارہی ہیں۔

QR Code: