لاہور(ایف یو نیوز)بھکھی پاور پلانٹ کی تعمیر سے لوڈ شیڈنگ میں کمی،صنعتی و زرعی ترقی کا فروغ اور بیروزگاری کا خاتمہ ہوگا ان خیالات کااظہار مسلم لیگ ن ٹریڈرزونگ پنجاب کے جنرل سیکرٹری الحاج زبیراحمدنے تاجروں کے ایک وفدسے بات چیت کرتے ہوئے کیا۔انہوں نے کہا وزیرِ اعظم میاں نواز شریف دل و جان سے ملک وقوم کی خدمت کررہے ہیں انرجی کرائسس کے حوالہ سے موجودہ حکومت نے بہت سے پراجیکٹ شروع کررکھے ہیں بھکھی پاور پلانٹ سے1180میگاواٹ سستی بجلی پیداہوگی یہ منصوبہ تیزی سے پایہۂ تکمیل تک پہنچاکر2017ء سے بجلی کی پیداوار شروع کردے گا۔ زبیراحمدنے کہا سابقہ حکومتوں نے صرف زبانی جمع تفریق کرکے عوام کو بے وقوف بنائے رکھا اور انہیں ایک بھی نیا پاور پلانٹ لگانے کی توفیق نہیں ہوئی صرف میاں نواز شریف کی زیر ِ قیادت مختلف شہروں میں نئے پاور پلانٹ لگائے جارہے ہیں جس سے لوڈشیڈنگ میں یقینی کمی واقع ہوگی اگر دوسرے صوبے اتفاق اور ایثارکا مظاہرہ کریں تو کالاباغ ڈیم بناکر ملک سے ہمیشہ ہمیشہ کے لئے اندھیرے دورکئے جا سکتے ہیں
