لاہور(ایف یو نیوز)مسلم لیگ ن ٹریڈرزونگ پنجاب کے جنرل سیکرٹری الحاج زبیراحمدنے کہا ہے کہ پاکستان کشمیریوں کی حمایت سے کبھی دستبردارنہیں ہوسکتا کشمیرپاکستان کیلئے زندگی اور موت کا مسئلہ ہے بھارت کا مذاکرات سے فرار بدنیتی کی علامت ہے دنیا کے سامنے نام نہاد سیکولرملک کااصل چہرہ بے نقاب ہوگیاہے۔انہوں نے کہا پاکستان ہمیشہ بھارت سے با مقصد مذاکرات کا حامی رہا ہے لیکن غیرمشروط بات چیت کے ذریعے مسائل حل کئے جائیں۔ الحاج زبیراحمدنے کہا بھارت نے کشمیریوں کے حقوق غصب کررکھے ہیں ان پر ظلم کے پہاڑتوڑے جارہے ہیں عالمی برادری کو اس پر بھی غورکرناہوگا۔انہوں نے کہا حریت کانفرنس تنازعہ کشمیرکا ایک فریق ہے جس کو شامل کئے بغیر مذاکرات کامیاب نہیں ہو سکتے حریت وفدکوسرتاج عزیز سے ملاقات کی اجازت نہ دینا افسوسناک ہے بھارت برصغیرمیں پائیدار امن کے قیام کیلئے اپنے رویہ پر نظرثانی کرے۔
