لاہور(سٹاف رپورٹر) بھارت سے مدد کی درخواست کرنے والے محبِ وطن نہیں ہو سکتے ان کا چہرہ بے نقاب ہوگیاہے ان خیالات کااظہارمسلم لیگ ن ٹریڈرزونگ پنجاب کے جنرل سیکرٹری الحاج زبیر احمدنے تاجروں کے ایک وفد سے بات چیت کرتے ہوئے کیا۔انہوں نے کہا کراچی میں اپریشن کسی خاص جماعت کے خلاف نہیں کیاجارہا دہشت گردی اور سماج دشمنوں کے خلاف بلا امیتاز ایکشن لیا جارہاہے خود الطاف حسین بارہا مرتبہ کراچی کو فوج کے حوالے کرنے کا مطالبہ کرتے رہے ہیں امن امان کے مستقل قیام کیلئے کراچی میں فوج بلانے کی بجائے پولیس اور رینجرکو خصوصی اختیارات دئیے گئے ہیں پیپلزپارٹی،سنی تحریک اور کئی جماعتوں کے لوگ بھی اس اپریشن میں گرفتارکئے جاچکے ہیں اور واویلا صرف الطاف حسین مچارہے ہیں جس کا مطلب ہے دال کچھ کالا ضرورہے۔ الحاج زبیر احمدنے کہا پاک فوج کو پوری قوم کی تائید حاصل ہے کراچی کو ہر قسم کی دہشت گردی، بھتہ خوری،ٹارگٹ کلنگ اور دیگر جرائم سے پاک کرنا حکومت کی ترجیحات میں شامل ہے انشاء اللہ کراچی کی روشنیاں بحال کرکے دم لیں گے کراچی میں امن پورے پاکستان کیلئے نیک شگون ثابت ہوگا۔
