داؤدخیل (ذوالفقارخان) بچوں کو اپنی تہذیب و ثقافت اور اسلامی بھائی چارے ، روایات سے روشناس کرانا والدین اور اداروں کی کی ذمہ داری ہے۔ علمااور دینی سکالرز، والدین ،اساتذہ اور میڈیا کے ذریعے ہمارے بچوں میں قرآن وسنت کی روشنی میں اپنے آخری نبی ﷺ کی سیرت کوسمجھنے کے مواقع ملنے چاہیءں۔یہ باتیں ڈی پی او میانوالی سرفرازخان ورک نے گزشتہ روز ریڈیوپاکستان میانوالی کے ڈائریکٹراحمد آفتاب خان اور سینئر پروڈیوسر طارق شاہ کے زیرِانتظام نعت رسول مقبول کے مقابلہ میں بطورِ مہمان خصوصی شرکا سے خطاب کے دوران کہیں۔ ڈی پی او میانوالی نے کہا بچوں اور بچیوں کو دنیاوی تعلیم کے ساتھ ساتھ دین کی بنیادی تعلیم بھی حاصل کرنی چاہیے اور ایسے مقابلے ہر سال ہونے چاہیں ،انعامات دینے کا مقصد آپ کے حوصلے بلند کرنا ہیں ۔ انہوں نے کہاکہ ہم نصابی سرگرمیوں سے بچوں میں مثبت طور پر آگے بڑھنے کا جذبہ پروان چڑھتاہے۔نعتیہ مقابلہ میں ججزکے فرائض قاری ظفر اقبال،سید ریاض حسین شاہ اور قاری خضر حسین شاہ نے ادا کیے۔ مقابلہ میں ضلع میانوالی کے نجی و سرکاری سکولوں کے طلبا و طالبات نے شرکت کی۔10سے15سال کی عمر کی طالبات میں فرسٹ آنسہ نثار ،سیکنڈ طاہرہ بی بی اور تھرڈ آنسہ آقصیٰ گل ،10سے 15سال کے بچوں میں فرسٹ محمد رضوان ،سیکنڈ ماجد حسین اور تھرڈ پوزیشن پر تیمور حسن ،15سے25کی عمر کی طالبات میں فرسٹ آنے والی شاہدہ حسن ،سیکنڈ شاہ تاج بی بی ،15سے25کے بچوں میں فرسٹ ساجد سیالوی ،سیکنڈ حافظ نادر اقبال اور تھرڈ پوزیشن محمد نجف ارسلان نے حاصل کی ۔ریڈیو پاکستان میانوالی کی طرف سے ڈی پی او میانوالی سرفرازخان نے پوزیشن ہولڈر بچوں اور بچیوں اور ججزمیں انعامات تقسیم کیے ۔
