پپلاں ( محمد رضوان آکاش)متوقع بلدیاتی الیکشن میں بھر پور حصہ لینے کے لیئے ہم اپنے بزرگ اور سینئر مسلم لیگی رہنما و تحصیل صدر پپلاں رانا سعید اختر کی قیادت میں متحد ہیں اور اُنکے تمام فیصلوں کی پابندی کریں گے اورتحصیل بھر کے تمام مسلم لیگی ورکروں کی مشاورت سے ہر یوسی میں اپنے امیدوار الیکشن لڑنے کے لیئے میدان میں اتاریں گے اور مسلم لیگ ن کو تباہی سے دوچار کرنے والے ضلعی جنرل سیکریٹری حکیم ایوب قریشی کے مسلط کردہ لوگوں کے کسی ایسے فیصلے کے پابند نہیں ہونگے جو کارکنوں کی مشاورت کے بغیر ڈرائینگ رومز میں بیٹھ کر کیئے جائیں گے انشاء اللہ مسلم لیگ ن کے ورکرز بلدیاتی الیکشن میں بھر پور کامیابی حاصل کریں گے۔ ان خیالات کا اظہار مسلم لیگ ن تحصیل پپلاں کے عہدیداروں ملک محمد آصف راجہ بشیر احمد رانا محمد مرسلین حاجی محمد امین حاجی حق نوا ز مانک خالد محمود ملک، ملک اختر علی چوہان حاجی غلام مرتضی بلوچ رضوان احمد کامران علی خان حافظ عبدالکریم رانا محمد وکیل چوہدری محمد اسلم محمد سرفراز محمد اقبال چوہدری نذیر حسین رانا محمد مبشر محمود بیگ اور دیگر مسلم لیگی ورکروں نے اپنے مشترکہ بیان میں کیا انہوں نے کہا کہ بزرگ مسلم لیگی رہنما و اسیر جموریت تحصیل صدر پپلاں رانا سعید اختر ہمارے قائدین میاں محمد نواز شریف میاں محمد شہباز شریف میاں حمزہ شہباز شریف کا قابل فخر سپاہی اور دیرینہ ساتھی ہے اور ہمیں اُنکی قیادت پر مکمل اعتماد ہے وہ بلدیاتی الیکشن کے لیئے جو بھی فیصلہ کریں گے تحصیل بھر کے مسلم لیگی ورکر اس کو خوش دلی سے تسلیم کریں گے اور ہم انکی پارٹی کے قربانیوں اور جدو جہد کو سلام اور خراج تحسین پیش کرتے ہیں کہ انہوں نے مزید کہا کہ آنے والا وقت پاکستان کی مضبوطی اور معاشی استحکام کا ضامن ہو گا اور کراچی میں ہونے والی قتل وغارت ٹارگٹ کلنگ اور بھتہ خوری کا خاتمہ ہماری حکومت کا ایساکارنامہ ہے جس کو جتنا بھی سراہا جائے وہ کم ہے انشاء اللہ جنرل الیکشن کی طرح متوقع بلدیاتی الیکشن میں بھی مسلم لیگ ن ایک بار پھر بھر پور کامیاب ہو گی اور ہم سب یہ عہد کرتے ہیں کہ ہم پاکستان کی ترقی و خوشحالی اور استحکام کے لیئے کسی قربانی سے دریغ نہیں کریں گے اور ہماری جماعت مسلم لیگ ن عوام سے کیئے گئے تمام وعدوں کی تکمیل کریگی اور عوام کے اعتماد پر پورا اترے گی۔
