بر منگھم ( ایس ایم عرفان طا ہر سے ) یو نا ئیٹڈ کشمیر پیپلز نیشنل پا رٹی ( یو کے پی این پی ) کے زیر اہتمام عظیم بر طانیہ کے دوسرے بڑے شہر برمنگھم میں تجدید تنظیم سازی کے حوالہ سے حلف برداری تقریب کا اہتمام مقامی ہوٹل میں کیا گیا ، جس میں مر کزی قیا دت صدر یو کے پی این پی یو رپ زون سردار امجد یو سف ، ممبر سنٹرل ایگزیکٹو کمیٹی سردار آفتاب خان، صدر یو کے پی این پی برطانیہ را جہ عثمان کیانی ،جنرل سیکرٹری جمیل لطیف، صدر لندن برانچ یو کے پی این پی آصف محمود ، سنیئر نا ئب صدر ظفر چغتائی ، تنویر اعظم خان، سابق جنرل سیکرٹری عبد الوحید ، جوائنٹ سیکرٹری شاہد نور ، میڈیا ایڈوائزر سعید خان، فاران لطیف اور دیگر کی موجودگی میں صدر یو کے پی این پی برطانیہ راجہ عثمان کیانی نے نئے عہدیداران سے حلف لیا ، اور سنئیر قیادت نے قا ئد یو کے پی این پی سردار شوکت علی کشمیری کا پیغام نئے عہدیداران کو پہنچایا اور انکی مکمل سرپرستی کرنے کی یقین دہانی بھی کروائی ۔ نئے عہدوں کا حلف اٹھا نے والوں میں شامل ہیں صدر برمنگھم برانچ راشد عزیز ، سنئیر نائب صدر اسلم خان، نائب صدر ذوہیب اکبر ، جنرل سیکرٹری قمر خلیل ، آرگنائز ر سید منصور شاہ ، ڈپٹی جنرل سیکرٹری سہیل اعظم ، سیکرٹری انفارمیشن شاہد خان اور سیکرٹری فنانس حبیب الرحمن ۔اس موقع پر پا رٹی کارکنان سے خطاب کرتے ہو ئے صدر یو رپ زون یو کے پی این پی سردار امجد یوسف نے کہاکہ یو نا ئیٹڈ کشمیر پیپلز نیشنل پارٹی ( یو کے پی این پی ) تحریک آزادی کشمیر کو تقویت پہنچا نے کے لیے دنیا بھر میں سب سے مضبوط اور مو ئثر پلیٹ فارم ہے جس کا مقصد کشمیر کی مکمل آزادی اور خو د مختاری سے منصوب ہے ۔ انہو ں نے کہاکہ نسل نو کو چا ہیے کہ کشمیر کی خود مختاری پر حملہ کرنے والوں اور اسے تقسیم در تقسیم فارمولوں کی بھینٹ چڑھا نے والوں کے خلا ف ایک موئثر سفیر ہو نے کا ثبوت دیتے ہو ئے پر امن طریقہ سے یو کے پی این پی کا ساتھ دیں اور کشمیری قوم کے خلا ف اٹھنے والی ہر سازش کو ناکام بنا دیں ۔ صدر یو کے پی این پی برطانیہ راجہ عثمان کیانی ہے کہاکہ خود مختار اور خو شحال کشمیر کا خواب شرمندہ تعبیر کرنے کے لیے یو کے پی این پی کی مضبوطی نا گزیر ہوچکی ہے ۔ جنرل سیکرٹری جمیل لطیف نے کہاکہ یو کے پی این پی مختلف کشمیری برادریوں اور طبقات کا ایک سر چشمہ ہے جس کا مقصد تمام سازشی عناصر کو بے نقاب کرتے ہو ئے تحریک آزادی کشمیر کو اجتماعی سطح پر متحرک اور فعال بنانا ہے اس کا ہر کارکن قابل عزت و احترام ہے اور اس پلیٹ فارم پر ہم متحد و منظم ہو کر آزادی کی تحریک کو مزید موئثر طریقہ سے منظر عام پر لا سکتے ہیں ۔ سردار آفتاب خان نے کہاکہ بر منگھم میں کثیر تعداد میں کشمیری کمیونٹی موجود ہے جو آزادی اور خود مختاری کے لیے مثبت کردار ادا کرسکتی ہے نئے عہدیداران اس پیغام کو نگری نگری اور قریہ قریہ پھیلا نے میں اپنا فعال کردار ادا کریں گے ۔ نو منتخب صدر یو کے پی این پی بر منگھم برانچ راشد عزیز نے کہاکہ کشمیری قوم اپنے حق کے لیے جہد مسلسل کر رہی ہے اس تحریک آزادی کو مزید فعال بنا نے اور اپنے قائد کے نظریا ت کا پرچار کرتے ہو ئے اپنی ذمہ داریاں نبھا نے میں کوئی کسر اٹھا نہ رکھیں گے کشمیر کی مکمل آزادی ہما ری آخری منزل ہے اس کی خا طر اقوام متحدہ اور دیگر پلیٹ فارم سے اپنی آواز دنیا تک ضرور پہنچائیں گے ۔ جنرل سیکرٹری برمنگھم برانچ قمر خلیل نے کہاکہ یو کے پی این پی تن تنہا کشمیر کو تقسیم کرنے والی منفی قوتوں اور دہشتگرد تنظیموں کے خلا ف اپنی خدما ت پیش کر رہی ہے ۔ کشمیر کے اندر خفیہ قوتیں جو اس کی تقسیم کا ارادہ رکھتی ہیں ان کے ارادوں کو خاک میں ملا کر پو ری دنیا کے سامنے ان کا گناؤنا کردار لا کر ہی دم لیں گے ۔ انہو ں نے کہاکہ آزادی ہر شخص کا فطری اور پیدائشی حق ہے اس حق کو چھیننے والا کبھی بھی امن کا داعی نہیں ہو سکتا ہے، دنیا میں انسانیت اور انسانی حقوق کے علمبردار کشمیر پر غا صبانہ قبضہ کے خلا ف ہمارا بھرپور ساتھ دیں ۔
