بر منگھم ( ایس ایم عرفان طا ہر سے ) اقوام عالم پاکستان بھارت اور چین کا کشمیر پر غاصبابہ قبضہ ختم کروانے میں اپنا کردار ادا کرے ، معا ہدہ کراچی اور گلگت بلتستان کو صوبہ بنانا کشمیری قوم کے ساتھ غداری کے مترادف ہے ان خیالات کا اظہار جنرل سیکرٹری یو کے پی این پی بر منگھم قمر خلیل نے اپنے ایک بیان میں کیا ۔ انہو ں نے کہاکہ معاہدہ کراچی نام نہاد آزادکشمیر کے ابن الوقت حکمرانوں اور سیاستدانوں کی وطن دشمنی کی بد ترین مثال ہے ۔ انہو ں نے کہاکہ ۱۹۴۷ میں پہلے حکمرانوں نے کشمیر کو تقسیم کروایا اور ۲۸ اپریل ۱۹۴۹ معاہدی کراچی کے زریعہ سے گلگت بلتستان کو پاکستان کے کنٹرول میں دے دیا گیا ۔ انہوں نے کہاکہ غیور کشمیری عوام کشمیر کے اس تقسیم در تقسیم فارمولوں کو ہر گز قبول نہیں کریں گے ۔ انہوں نے کہاکہ کشمیری قوم کی آزادی اور خودمختاری کو سبو تاژ کرنے کے لیے مخالفین منظم طریقہ سے اپنی پالیسیاں اور حکمت عملی ترتیب دے رہے ہیں خطہ کشمیر کی وحدت کو پا رہ پا رہ کرنے والے ہما رے ہمدرد اور وکیل کبھی نہیں بن سکتے ہیں ۔ انہو ں نے کہاکہ یو کے پی این پی کشمیر کی کلی آزادی ، خودمختاری اور خو شحالی کے لیے شب و روز کوشاں ہیں اپنے خون کے آخری قطرے تک اس تحریک کو رکنے نہیں دیں گے ۔ انہو ں نے کہاکہ غاصب حکمران طبقہ آزادکشمیر اور گلگت و بلتستان سے وسایل کی لوٹ مار میں مشغول ہیں انہیں کشمیریوں کے حقوق اور فطری آزادی سے کویی سروکار نہیں ہے ۔پاکستان بھارت اور چین کو اپنی غاصبانہ فوجیں کشمیر سے نکال کر اقوام متحدہ کی قراردادوں کا حقیقی معنوں میں احترام کرنا ہوگا ۔ عرصہ ۳۰ سال سے یو کے پی این پی اپنی عوام کو شعور و آگہی اور اپنے حقوق بارے آگاہ رکھنے میں انقلابی اقدامات اٹھا رہی ہے اور آزادی کی صبح ہونے تک اس پر امن تحریک کو جا ری و ساری رکھیں گے ۔
