پائی خیل(نامہ نگار)اولیاء کرام نے تبلیغ اسلام میں اہم کرداراداکیا۔برصغیرپاک وہندمیں اسلام اولیاء کرام کی بدولت پھیلا۔ان خیالات کااظہارمعروف مذہبی راہنماقاری آصف عنایت اللہ چشتی نے جمعۃ المبارک کے اجتماع سے خطاب کرتے ہوئے کیاانہوں نے کہاکہ اولیاء کرام کی کاوشوں کی وجہ سے اسلام کوفروغ ملاپاکستان کے قیام میں اکابرین اہلسنت نے اہم کرداراداکیا۔اولیاء کرام نے جس اندازمیں اشاعت اسلام کی اسکی مثال نہیں ملتی لاکھوں غیرمسلموں نے اولیاء کرام کی تبلیغ سے متاثرہوکردین اسلام کی دولت حاصل کی ۔اولیائے کرام ،پیران عظام کی خدمات ناقابل فراموش ہیں ۔عظمت اولیاء کانفرنس کے انعقاد کامقصدنئی نسل میں اولیاء کرام کے بارے میں شعورپیداکرناہوتاہے ۔اولیاء کرام کاپیغام ہمیں اس بات کی تعلیم دیتاہے کہ ہم اسلام کی تبلیغ واشاعت میں کوئی دقیقہ فروغ ذاشت نہ اٹھائیں بلکہ اپنی صلاحیتیں اسلام کی سربلندی کے لئے صرف کریں ۔حکمران وقت دہشت گردی کے خاتمہ کے لئے اقدامات اٹھائیں تاکہ ملک پاکستان امن وسلامتی کاگہوارہ بن سکے۔
