پپلاں ( محمد رضوان آکاش) پی ٹی آئی یوتھ ونگ کے ضلعی صدر نعمان احمد رانا اور یوتھ ونگ کے ضلعی ڈپٹی جنرل سیکریڑی سردار عمر فاروق خان نے کہا کہ موجودہ حکومت کے پاس عوام کی فلاح و بہبود کا نہ تو کوئی ایجنڈا ہے اور نہ ہی مسلم لیگ ن کی حکومت کو عوام کا کوئی خیال ہے صوبہ بھر میں ہونے والی کرپشن حکومتی سر پرستی میں ہو رہی ہے گزشتہ روز پنجاب اسمبلی میں پیش کیئے جانے والے سالانہ صوبائی بجٹ کو بھی اپوزیشن جماعتوں نے مسترد کر دیا ہے اور بجٹ اجلاس کے دوران بھی پی ٹی آئی کے ارکان اسمبلی نے اپنا بھر پور احتجاج ریکارڈ کرایا ہے اس بجٹ میں غریب عوام کے لیئے کوئی ریلیف نہیں دیا گیا اور چھوٹے سرکاری ملازمین اور غریب پینشنرز کے لیئے جو برائے نام اضافہ کیا گیا ہے وہ غریب ملازمین سے مذاق کے سوا کچھ بھی نہیں کیونکہ گزشتہ چند سالوں میں ملک میں مہنگائی کئی گنا بڑھ چکی ہے جبکہ حکومت نے غریب عوام پر مزید ٹیکسوں کا بوجھ لاد دیا ہے غربت مہنگائی اور بے
روزگاری سے غریب آدمی پہلے ہی زندہ درگور ہو چکا ہے
پپلاں میں صحافیوں سے گفتگوکرتے ہوئے کیا انہوں نے کہا کہ مسلم لیگ ن کی موجودہ نا اہل پنجاب حکومت کی عوام دشمنی کی واضح مثال ہے پپلاں شہر کے سینکڑوں غریب لوگوں کا کاروبار تباہ و برباد کر دیا گیا اور سینکڑوں لوگوں کو بے روزگاری سے دوچار کیا گیا ہے تحصیل پپلاں کی انتظامیہ کی طرف سے غریب لوگوں کے ساتھ روا رکھے جانے والے ناروا سلوک کی جتنی بھی مذمت کی جائے وہ کم ہے انہوں نے مزید کہا کہ تحصیل پپلاں میں ہونے والی کرپشن اور لوٹ مار کی کہانی اب تو ہر شخص کی زبان پر ہے او ر کروڑوں روپئے کے عوامی ترقیاتی فنڈز میں لوٹ سیل لگی ہوئی ہے اور صرف چند من پسند افراد کو نوازا جا رہا ہے اب ایک بار پھر رمضان بازار کے نام پر لاکھوں روپئے کے فنڈز کو ضائع کیا جائے گا اور محظ چند ٹینٹ لگا کر لاکھوں روپئے کے فنڈز ٹی ایم اے پپلاں سے نکلوائے جائیں گے۔ انہوں نے کمشنر سرگودھا ڈویژن اور نئے ڈی سی او میانوالی سے مطالبہ کیا کہ پپلاں میں خورد برد ہونے والے کروڑوں روپئے کے فنڈز کے ضیاع کو روکا جائے اور اب تک ٹی ایم اے پپلاں کے کروروں روپئے کے جتنے فنڈز خرچ کیئے گئے ہیں انکا سپیشل آڈٹ کروا کر ذمہ دار افراد کے خلاف کاروائی کی جائے اور تجاوزات آپریشن کے نام پر جن سینکڑوں غریب اور مظلوم لوگوں کا نقصان کیا گیا ہے اسکا معاوضہ متاثرہ لوگوں کو ادا کیا جائے۔
