پائی خیل (ایف یو نیوز) پائی خیل میں بجلی کی طویل غیراعلانیہ لوڈشیڈنگ واٹرسپلائی سکیم بندشہری پینے کے صاف پانی کوترس گئے تفصیلات کے مطابق پائی خیل میں بجلی کی غیراعلانیہ طویل لوڈشیڈنگ کے باعث واٹرسپلائی سکیم بندشہریوں کوصاف پینے کے پانی کی سپلائی نہ ہونے کے برابراورشہری صاف پانی کے حصول کے لئے خوارہوگئے۔کیونکہ علاقہ بھرمیں زیرزمین پانی کڑوااورمضرصحت ہے۔ ادھرواٹرسپلائی سکیم کی مین پائپ لائنیں اورگھروں کی لائنیں جگہ جگہ ٹوٹ پھوٹ کاشکارجس سے پانی کاپریشرکم اورپانی ضائع ہونے کاسبب بن رہاہے ۔علاوہ ازیں واٹرسپلائی سکیم کی ٹینکی کی صفائی نہ ہونے سے شہری معدہ،ہیپاٹائٹس اوردیگرموذی بیماریوں میں مبتلاہورہے ہیں عوامی حلقوں نے ڈی سی اومیانوالی اور محکمہ پبلک ہیلتھ انجیئنرنگ میانوالی سے اصلاح واحوال کامطالبہ کیاہے
