پائی خیل (نامہ نگار)بجلی چوروں کے خلاف قانون متحرک ،تین افرادبجلی چوری کرتے ہوئے رنگے ہاتھوں گرفتارتفصیلات کے مطابق نواحی علاقہ موضع گندہ پرواپڈاکی سپیشل ٹاسک فورس ٹیم نے ایس ڈی اوسب ڈویژن کالاباغ کی قیادت میں چھاپہ ماراتوموضع گندہ کے تین افرادعبدالمالک ولدسیف اللہ،محمدہاشم خان ولدامیرعبداللہ خان ،حمیداللہ خان ولدمجیداللہ خان کوبجلی چوری کرتے ہوئے رنگے ہاتھوں پکڑلیاایس ڈی اوواپڈاسب ڈویژن کالاباغ نے قانونی کاروائی کرتے ہوئے تینوں بجلی چورملزمان کے خلاف ایف آئی آرتھانہ داؤدخیل میں درج کرادی ۔اس موقع پرایس ڈی او واپڈاسب ڈویژن کالاباغ نے میڈیاکے نمائندوں سے گفتگو کرتے ہوئے کہاکہ کسی شخص کوبھی یہ حق نہیں کہ بجلی چوروں کی سفارش کرے کیونکہ بجلی چورپوری قوم کے مجرم ہیں ۔انہوں نے کہاکہ بجلی چوری کرنے والے کسی شخص کے ساتھ بھی نرمی نہ کی جائے گی بلکہ اسے قانون کے کٹہرے میں لاکرکیفرکردارتک پہنچائیں گے ۔
