داؤدخیل(ذوالفقارخان) ای ڈی او ایجوکیشن میانوالی کا مرکز داؤدخیل، کالاباغ اور کمرمشانی کا دورہ۔ سکولز کی فزیکل انسپکشن ۔سیلابی علاقہ سکولز کی روزانہ رپورٹ کی ہدایت۔ ای ڈی او ایجوکیشن مہر آفتاب احمد سیال نے گزشتہ روز ڈی ای او ملک فضل الہٰی، اے ڈی ایڈمن ظفراللہ خان اور اے ای او رریاض خان ہمراہ مرکز داؤدخیل، کالاباغ اور کمرمشانی کے سیلابی علاقہ جات کے سکولز کا دورہ کیا۔اس موقع پر ای ڈی او ایجوکیشن نے سکولز کے ہیڈماسٹر کو روزانہ کی بنیاد پر سیلاب کے دوران سکولز کی فزیکل رپورٹ پیش کرنے کا حکم جاری کیا۔ مہر آفتاب احمد سیال نے کہاکہ اس وقت سیلابی علاقہ جات میں موجود سکولز کی حالت تسلی بخش ہے۔ سکولز ہیڈز کی ڈیوٹی لگا دی گئی ہے ۔ کسی بھی غیرمعمولی صورتِ حال سے سکولز ہیڈ بروقت اطلاع بہم پہنچائیں گے تاکہ ہم سکولز بلڈنگز کو نقصان سے بچانے کے لیے بہتر اقدامات کرسکیں۔
