ایک کروڑ تاوان کی خاطر اغوا کئے جانے والا بچہ بازیاب، اغوا برائے تاوان گینگ گرفتار
پپلاں(محمد رضوان آکاش) اسلام آباد سے تاوان کی خاطر اغوا کیئے جانے والے ساڑھے تین سالہ بچے کو اسلام آباد پولیس اور حساس اداروں کی ٹیم نے طویل جدو جہد کے بعد سجادہ نشین دربار عالیہ بلوٹ شریف مخدوم زادہ سید مرتجز شاہ کی بھر پور معاونت سے تحصیل پپلاں کے علاقہ کچہ گجرات سے بازیاب کر لیا اغوا برائے تاوان میں ملوث گینگ کے افراد بھی موقع سے گرفتار۔ اسلام آباد کے تھانہ کورال میں تعینات تفتیشی آفیسر سب انسپکٹر غلام محمد شاہ نے صحافیوں کو بتایا کہ اسلام آباد کی ایک اہم شخصیت کے ساڑھے تین سال بیٹے کو کچھ عرصہ قبل اغوا کر لیا گیا اور اغوا کندگان مغوی بچے کے ورثاء سے ایک کروڑ روپئے تاوان کا مطالبہ کر رہے تھے جسکا مقدمہ تھانہ کورال اسلام آباد میں درج ہوا تھا اور انہیں اس کیس کی تفتیش پر مامور کیا گیا تھا جس پر مغوی بچے کا سراغ لگانے کے لیئے ہم نے حساس اداروں کی مدد لی اور جس موبائل نمبر سے بچے کے ورثاء سے رابطہ کر کے ایک کروڑ تاوان طلب کیا جا رہا تھااس کا جدید ٹیکنالوجی کی مدد سے سراغ لگایا گیا اور ہم نے حساس اداروں کی ٹیم کے ساتھ پتا چلا لیا کہ موبائل کال کرنے والا شخص تحصیل پپلاں کے علاقہ کچہ گجرات میں مقیم ہے جس کے لیئے ہم گزشتہ کئی دنوں سے اس علاقہ میں سرچ آپریشن کر رہے تھے اور سجادہ نشین دربار عالیہ بلوٹ شریف مخدوم زادہ سید مرتجز شاہ نے اس سلسلہ میں ٹیم کی بھر پور معاونت کی اغوا کندگان گینگ کا سرغنہ مقصود خان اپنا نام بدل کر انور خان بن کر کچہ گجرات میں جھونپڑیوں میں مقیم تھا جبکہ اس کے ساتھ دریا خان اشرف خان اور دیگر افراد سمیت آٹھ افراد شامل تھے جنکا گزشتہ روز مکمل سراغ لگانے کے بعد رنگے ہاتھوں گرفتار کر لیا گیا جبکہ مغوی بچے کو بھی بحفاظت بازیاب کر الیا گیا تفتیشی آفیسر تھانہ کورال غلام محمد شاہ نے مزید کہا کہ اغوا برائے تاوان گینگ کا سرغنہ مقصود خان اپنا نام بدل انور خان بن کر اس علاقہ میں مقیم تھا جو بظاہر علاقہ لکڑی کا کاروبار کر رہا تھا جبکہ در حقیقت وہ اغوا برائے تاوان گینگ کا سرغنہ تھا اور کیس کی مزید تفتیش ہو گی تو مزید کئی انکشاف بھی ہونگے اوراغوا برائے تاوان کے اس گینگ اور اسکی معاونت کرنے والوں کا بھی مکمل سراغ لگایا جائے گا۔ مغوی بچے کی کچہ گجرات سے برآمدگی کے بعد علاقہ بھر میں خوف و ہراس پھیل گی۔
Leave a Reply