پائی خیل (نامہ نگار)اہلسنت کی مختلف تنظیموں کااہم اجلاس اکبرالمساجدمیانوالی میں صاحبزادہ عبدالمالک صاحب کی زیرِصدارت منعقدہواجس میں یہ فیصلہ کیاگیاکہ تحفظ ناموس رسالت ﷺکی خاطرجملہ مذہبی،رفاعی تنظیموں،تجارتی اورٹریڈیونین کوایک پلیٹ فارم پرجمع کرنے کے لئے تحفظ ناموس رسالت کمیٹی تشکیل دی گئی جس میں مندرجہ ذیل عہدیدران امیرپیرسیدتوقیرالحسنین شاہ،صدرپیرسیدسراج الزمان شاہ،ناظم پیرمحمدخان قادری موچھ،خزانچی حاجی عبیداللہ خان،نشرواشاعت قاری آصف عنایت اللہ چشتی پائی خیل،مشتاق العارفین کندیاں،مولانااعجازسٹی میانوالی،عبدالرحمان جامی، تحصیل عیسیٰ خیل صاحبزادہ معصوم صاحب بھورشریف،علامہ مشتاق احمدصاحب،پپلاں قاری سعید،سلطان خیل مولانامحمداسماعیل،پائی خیل مولاناسلطان احمدقادری،سوانس حافظ سیدرسول ،چکڑالہ مولانامحمدرفیق ودیگرکوشامل کیاگیا۔اس اہم اجلاس میں یہ فیصلہ ہواکہ غازی ممتازحسین قادری کی سزائے موت کے خلاف احتجاج کے لئے شہرشہرجلسے اورریلیاں منعقدکی جائیں گی۔جبکہ 20دسمبرکوتحفظ ناموس رسالت کانفرنس منعقدکی جائیگی۔یہ بھی فیصلہ ہواکہ تحفظ ناموس رسالت295Cکوحکومت مختلف حربوں سے غیرمؤثربنارہی ہے اس کے مرتکب مجرمہ آسیہ مسیح کوپورے پروٹوکول کے ساتھ بیرون ملک فرارقراردیا گیاہے۔جبکہ تحفظ ناموس رسالت کی خاطرآوازبلندکرنیوالوں کے خلاف دہشت گردی کے پرچے بنائے جارہے ہیں۔مساجدسے لاؤڈسپیکراتارے جاچکے ہیں۔جبکہ ریلیوں میں سیاسی جلسوں اورناچ گانے کے کلچرشومیں ان کے استعمال پرکوئی پابندی نہیں سکولوں کالجوں میں فیشن شوکے نام پربے حیائی پھیلائی جارہی ہے۔عربی اوردینیات کے مضامین کواختیاری مضامین قراردیاگیاہے۔یہ سب کام ملک کوسیکولربنانے کی کاوش ہے پاکستان کے مسلمان اپنی نظریاتی سرحدوں کی حفاظت کے لئے متحدہوکران عناصرکامقابلہ کریں گے ۔علاوہ ازیں عدالت عالیہ کے معززجج نے سودکی حرمت کوبینک اورسوددینے والے کاذاتی معاملہ بنادیاہے۔جبکہ قرآن وسنت کی روسے سودلینے والا،دینے والا،گواہ،اس کاکاروبارکرنے والاسب مجرم ہیں اورسودی کاروبارکو جائزبناناقرآنی تعلیمات سے انحراف اللہ اوراس کے رسولﷺکے خلاف جنگ کرنے کے مترادف ہے اس اجلاس میں یہ متفقہ فیصلہ ہواکہ سپریم کورٹ یہ فیصلہ واپس لے اورمذہبی تنظیموں سے مطالبہ ہواکہ اس فیصلہ کوسپریم کورٹ میں اٹھائیں۔اجلاس کے اختتام پرملک وقوم کی سربلندی کے لئے دعائے خیرکی گئی۔
