پائی خیل(نامہ نگار) انقلابی شاعری کے ذریعے آنے والی نسلوں کوکامیابی کی طرف گامزن کیاجاسکتاہے ۔یہاں کی دھرتی انتہائی ذہین ،فطین اورتخلیفی ذہن رکھنے والے لوگوں سے زرخیزہے قلم کوحق اوربہتری کے لئے استعمال کرنابڑی کاوش اورطرہ امتیازہے۔علاقہ موچھ کے نوجوان شاعرگلستان خان لہرنیازی کی انگریزی شاعری کی کتاب’’ڈریمزان دی ڈیزرٹ‘‘ایک بہت بڑااعزازہے ۔ان خیالات کااظہارمہمان خصوصی جماعت اسلامی کے ضلعی راہنماعبدالوہاب خان موازخیل،لیڈزکالج میانوالی کے پرنسپل عبدالعزیزخان،بسم اللہ پبلک ماڈل سکول کے چیف ایگزیکٹومجیب اللہ خان نیازی ،انجمن اساتذہ پاکستان کے مرکزی راہنمامحمدیونس خان باہی،معروف ماہرتعلیم محمداکرم خان عکرمہ اورگورنمنٹ ہائرسیکنڈری سکول موچھ کے سابق پرنسپل امان اللہ خان ادریس نے صدارتی خطاب کرتے ہوئے پریس کلب موچھ میں معروف شاعرماسٹرگلستان خان لہرنیازی ایم اے انگلش کی شاعری انگلش کتاب ڈریمزان دی ڈیزرٹ کی تقریب رونمائی کرتے ہوئے کیاہے اورکہاہے کہ اچھی شاعری اورغیرجانبدرانہ صحافت کے ذریعے معاشرہ میں مثبت تبدیلی لائے جاسکتی ہے انہوں نے کہاہے کہ منڈی میں عورت فروخت ہوتووہ صرف عورت ہی فروخت ہے جبکہ صحافی کاقلم فروخت ہوتوپوری قوم فروخت ہوتی ہے مقررین نے نوجوان شاعرگلستان خان نیازی کوانگلش شاعری پرمبنی کتاب کی اشاعت پرزبردست خراج تحسین پیش کرتے ہوئے مبارکبادی بھی دی اس موقع پرمیزبانِ تقریب شاعرگلستان خان نیازی نے ان کے دوسرے شاعری مجموعہ کی تقریب رونمائی پرپریس کلب موچھ ،موچھ کے دانشوروں ،مفکروں،ادیبوں،صحافیوں،کالم نگاروں،معززین علاقہ ،اساتذہ کرام سمیت تمام شرکائے تقریب کاشکریہ اداکیااوراپنی انگلش کاوش کوموچھ کی کامیابی دیتے ہوئے حوصلہ افزائی اورعزت افرائی پریقین دلایاکہ ان کی دوسری تصانیف بہت جلدمنظرعام پرآئے گی اس تقریب کاآغازتلاوت کلام پاک سے ماسٹرمحمداکرم خان اورہدیہ نعت رسول مقبولﷺسے نوجوان ثناء خوانِ مصطفی محمدساجدسیالوی آف پپلاں نے کیاجبکہ نظامت کے فرائض حکیم محمداسلم خان نے سرانجام دیے ۔اس تقریب میں شاعرعاقل خان نیازی ،بابائے کالم نگارسیدمحسن حسنین کاظمی،مطیع اللہ مجاہد،کونسلر،مشتاق خان موہانے خیل،ثناء اللہ درانی ،چیئرمین حاجی درازخان کبیرخیل،انسپکٹرریٹائرڈاسلم خان موہانے خیل،کیپٹن ریٹائرڈرفیع اللہ خان جعفری،محمدسلیمان خان مظفرخیل،زبیرباقرخان،حافظ مشتاق خان موازخیل،ارشد مجیدخان،رفیع اللہ خان احمدخیل،طارق مجیدخان،حافظ مشتاق خان،عارف حمیدخان،کفایت اللہ خان ،خالدجاویدخان،زربادشاہ خان،اکرام خان مجاہد،غلام قاسم خان،مشرف حسین خان،فیاض خان،محمدخان ودیگرشخصیات کے ساتھ صحافیوں کی کثیرتعدادشرکت کی ۔بعدازاں شرکائے تقریب کی چائے اورنمکین بسکٹوں کے ساتھ تواضع کی گئی ۔

QR Code: