اقوام متحدہ میں امریکا کی سفیر نکی ہیلی نے استعفیٰ دے دیا، اسرائیل فلسطین معاملے پر انہیں شدید تنقید کا سامنا تھا۔
غیر ملکی میڈیا کے مطابق اقوام متحدہ میں متعین امریکی خاتون سفیر نکی ہیلی نے اپنے عہدے سے استعفیٰ دیا، امریکی صدر ڈونلڈ ٹرمپ نے ان کا استعفیٰ منظور کرلیا۔
نکی ہیلی نے وائٹ ہاؤس میں امریکی صدر ڈونلڈ ٹرمپ سے ملاقات بھی کی، جس کے بعد انہوں نے باضابطہ طور پر نکی ہیلی کا استعفیٰ منظور کرنے کا اعلان کیا، انہوں نے نکی ہیلی کی خدمات کو سراہا۔
