اساتذہ کی اپیلز عرصہ دراز سے فیصلے کی منتظر، معمارانِ قوم میں شدید اضطراب
داؤدخیل(نامہ نگار)اساتذہ کی اپیلز عرصہ دراز سے فیصلے کی منتظر۔ معمارانِ قوم میں شدید اضطراب۔اساتذہ کو ذہنی اذیت میں مبتلا رکھنا نئی نسل سے زیادتی ہے۔تفصیلات کے مطابق ضلع میانوالی میں پچھلے سال تقریباََ تیس اساتذہ کودی جانے والی مختلف نوعیت کی سزاؤں کے خلاف ای ڈی او میانوالی کو کی جانے والی اپیلز پچھلے نو ماہ سے فیصلہ کی منتظر ہیں۔ بعض اساتذہ کو شوکاز نوٹس دیے بغیر سزا سنا دی گئی۔ جس کے خلاف اساتذہ نے ای ڈی او ایجوکیشن میانوالی کو اپیلز دائرکیں۔ کچھ متاثرہ اساتذہ کاکہنا ہے کہ ذاتی شنوائی کو بھی دوماہ سے زائد عرصہ گزر چکاہے۔ اساتذہ شدید ذہنی پریشانی میں مبتلا ہیں۔ پنجاب ایجوکیٹرز کے ضلعی صدر عبدالرزاق نیازی اور متحدہ محاذ اساتذہ کے جنرل سیکرٹری ریاض خان نے بھی مطالبہ کیاہے کہ ان اپیلز کا جلد فیصلہ کیاجائے اور اساتذہ کوسبق سکھانے کے بجائے طلبا کو پڑھانے کے لیے معیاری اقدامات کیے جائیں۔
Leave a Reply