اداروں میں تصادم ملک وقوم کیلئے خطرناک ثابت ہوگا : سرور صدیقی
لاہور(ایف یو نیوز)اداروں میں تصادم ملک وقوم کیلئے خطرناک ثابت ہوگا رینجرزکے اختیارات پر سندھ حکومت کا رویہ افسوسناک ہے ان خیالات کااظہار پاکستان قومی تحریک کے چیئرمین سرورصدیقی نے ایک اجلاس سے خطاب کرتے ہوئے کیا۔انہوں نے کہااگرادارے اور شخصیات اپنی اپنی آئینی حدود میں رہ کر کام کرے توکسی قسم کے نقصان کااحتمال نہیں ، حدود سے تجاوز کرنے سے مسائل پیدا ہوتے ہیں پاکستان میں جمہوریت کے تسلسل کے لئے ایک دہائی سے سیاستدانوں اور عدلیہ کی کوششیں قابلِ قدر ہیں یہ ان کا کریڈٹ ہے کہ اس وقت ملک میں جمہوریت کا مستقبل روشن ہے ، پاکستان قومی تحریک کے چیئرمین سرورصدیقی نے کہا ملکی ترقی اور عوام کی خوشحالی کیلئے حکومت ٹھوس اقدامات کرے اس کے بغیر مسائل کا خاتمہ ممکن نہیں اداروں کو مضبوط بنا کرہی ایک بہتر مستقبل کی بنیاد رکھی جا سکتی ہے بدقسمتی سے پاکستان میں اداروں کو مستحکم بنانے کی بجائے شخصیات کو مضبوط بنایا جاتا ہے یہ سلسلہ اب ختم ہونا چاہیے ۔
Leave a Reply